Inhambane (Prowins)
Tekst üüb Fering |
Det Inhambane Prowins (üüb Portugiisk: Província de Inhambane) as en prowins uun de aafrikoons stoot Mosambik. At prowins leit uun a süüduast faan’t lun. Uun a nuurdwaast leit det Manica Prowins, uun a nuurduast det Sofala Prowins an uun a waast det Gaza Prowins. Det hee 1.496.824 lidj (2017)[1]. At hoodsteed faan't prowins as Inhambane.
Geografii Bewerke
Geograafisk Laag Bewerke
Det Inhambane Prowins leit amanbi twesken 21° an 25° (faan a nuurd tu a süüd). De Süüdelk Kiarkreis gungt troch a süüd faan't prowins.
Lunskap Bewerke
Laguunen Bewerke
At prowins hee föl laguunen: Zevane Laguun, Nhalehengue Laguun, Nhangela Laguun, Dongane Laguun an Poelela Laguun, wat bi a eeg lei. Tau öler laguunen lei uun't banlun: Banamana Laguun uun a nuurd an Nhavarre Laguun uun a süüd.
Struumer Bewerke
De Save Struum bildet at nuurdgrens an de Changane Struum bildet dial faan at waastgrens.
Natschunaalparken Bewerke
At prowins hee tau natschunaalparken. Ian as de Zinave Natschunaalpark, wat uun a nuurdwaast leit. De öler as de Bazaruto Natschunaalpark üüb dön Paraiso Eilunen (üüb Portugiisk, Ilhas do Paraiso), wat uun det Indisk Ootseaan lei.
Indialing faan Ferwalting Bewerke
Inhambane hee tau steeden (Inhambane an Maxixe) an twaalew distrikten.
Nööm | Grate (km²)[1] | Lidj (2017)[1] | Hoodsteed | |
---|---|---|---|---|
1 | Funhalouro | 13.622 | 44.336 | Funhalouro |
2 | Govuro | 3967 | 40.739 | Nova Mambone |
3 | Homoine | 1917 | 115.122 | Vila de Homoine |
4 | Inharrime | 2748 | 123.605 | Inharrime |
5 | Inhassoro | 4745 | 56.246 | Inhassoro |
6 | Jangamo | 1293 | 105.478 | Jangamo |
7 | Mabote | 15.335 | 51.846 | Mabote |
8 | Massinga | 7408 | 228.437 | Massinga |
9 | Morrumbene | 2579 | 138.370 | Morrumbene |
10 | Panda | 6843 | 38.989 | Panda |
11 | Vilanculos | 5854 | 193.895 | Vilanculos |
12 | Zavala | 2011 | 156.169 | Zavala |
Befölkring Bewerke
At wiar folksteelingen uun 2017, 2007, 1997 an 1980. Efter't folksteeling faan 2007, wiar 580.158 faan a lidj uun't prowins karmen an 724.662 wüfhööd[2].
Folksteeling 1980[3] | Folksteeling 1997[4] | Folksteeling 2007[5] | Folksteeling 2017[1] |
---|---|---|---|
997.600 | 1.157.182 | 1.304.820 | 1.496.824 |
Weblinks Bewerke
- Websidj faan't Regiaring faan't Prowins (üüb Portugiisk)
Kwelen Bewerke
- ↑ 1,0 1,1 1,2 1,3 Mozambique, citypopulation.de
- ↑ [1]Instituto Nacional Estatística, Indicadores Sócio Demográficos Província de Inhambane 2007.
- ↑ The Statesman's Yearbook 1987-1988, s. 874.
- ↑ [2]Instituto Nacional Estatística, Indicadores Sócio Demográficos Província de Inhambane 2007.
- ↑ [3]Instituto Nacional Estatística, Indicadores Sócio Demográficos Província de Inhambane 2007.