Söl'ring


Badge Engineering meent, dat jen Model fan en Maskiin öner forskelig Marken forkoopet uur.

Di Cupra Born en di VW ID.3 sen binai lik becht.

Des jeft et al leenger bi Tauimaskiinen en sok Giraaten, wan forskelig Fabriiken to jen Konsern hiir. Aur en leenger Tir her Bosch en Siemens binai lik Giraaten (BSH-Ker, Bosch-Siemens-Haushaltsgeräte).

Uk bi Autos jeft et dit al leenger. Sa ken em di Peugeot Partner uk üs Citroën Berlingo fo. Di Fiat Dobló uur uk üs Opel Combo forkoopet. Di Forskelen sen muar fuar't Oog.
Tö di VW-Konsern hiir masi Firmen, sa üs Škoda of SEAT/Cupra. Al leenger uur fuar forskelig Modeli jen technisk Bāsis konstruiaret, hur da en bet forskelig Marken, Leechtern en Püntjikraam önbecht uur.
Di MAN TGE 3.140 E jeft et uk üs VW Crafter. Biiring kum fan dit salev Werk.

Di Firmen spaari diarme fuul Jil aurdat et mal jüür es en konstruiari en nii Maskiin of Wain.

Trii Aarten Bewerke

Aaftinoch konstruiaret en OEM (Original Equipment Manufacturer) sa üs VW, Renault of Toyota en Wain en forkoopet des Model uk öner üđer Konsernmarken (aaftinoch bi VW of Stellantis) of aur Kooperatsjoonen (aaftinoch bi Renault).

Di taust Aart es, dat en Firma en Wain konstruiaret en da tö en OEM forkoopet, dat des di salev bech ken.

Di trēr Aart ken wiis, dat en OEM en Wain konstruiari let en da forkoopet. Litj Firmen sa üs Sonomotors kür üđers gaar niin Wain üp Straat fo.
Likert es man bi di Sion ek sair, dat di aurhaur jens üp Straat kumt.

Galerii Bewerke