Dialektik

Tekst üüb Öömrang

Dialektik as en ütjdruk uun a filosofii. Hi ment oober ei aleewen detsalew.

Det wurd komt faan greks διαλεκτική (τέχνη), dialektiké (téchne) = ‚konst faan't onerhualang‘; of latiinsk (ars) dialectica = ‚(konst faan't) snaak‘ (steget uk uun det wurd dialoog).

Sant at 18. juarhunert woort di ütjdruk oober ööders brükt. Diar gongt at diaram, dat arke ding tau sidjen hää, an det dialektik skal det apklaare. Dialektik as en diskurs, am faan en these an sin antithese tu en synthese tu kemen. Det synthese as do en liasang faan en probleem, of en nei sicht üüb a dingen.

För Hegel as at dialektik det jindial faan a metafüsiik, am tu a woorhaid tu finjen. Uun a marxismus as dialektik det wedenskap auer reegeln uun natuur, selskap an seenken.