Klaasohm
 Tekst üüb Öömrang
|
Klaasohm as en ualen brük üüb det uastfresk eilun Borkum. Det as en fest leewen uun a nacht faan a 5. tu a 6. Deetsember. Hat woort sant 1830 ütjracht faan a Jonggaster Ferian üüb Borkum. Diarbi wurd uk jong wüfen jaaget, an jo fu mä en kühurn sliak üüb't bääftaanj. Wüfen liis böös oner gewalt faan maaner, an diaram skel jo sant 2024 nian sliak muar üüb't bääftaanj fu. Uk wan det üüb Borkum man en spoos wees skal, sä a lidj det daalang dach en betj ööders.
Uk üüb a Waastfresk Eilunen jaft'at tu a Nikolausdai ual brüker. Diar het di Nikolaus do Sunneklaas, Sunterklaas of (holuns) Sinterklaas.
Di nööm Klaasohm ment 'Oome' (unkel) Klaas. Oome saad'am iar tu ääler, wel lesen maaner uun en gemeen. Uk üüb huuchsjiisk wiar en 'Onkel' ei ünbedingt di bruder faan aatj of mam, det küd uk en frinj faan't famile wees. Üüb a Halgen saad a lidj 'Bööle' , so üs bi Böle Bonken.
Uk uun ualang tidjen jääw't al en Nikolausfest, man det hed noch niks mä't krastendoom tu dun. A ual Germaanen haa wel Wedke / Wodan / Odin iaret, di god fan a jacht. An diarfaan as ferlicht det 'wüfen jaagin' üüb Borkum auerblewen.
A Klaasohms haa en witj kleet mä ruad strimler auertaanj an dreeg en fürchterlik skrabelkenhood (plaatsjiisk: Scherbellenskopp). At Wiifke drait uk en witj kleet mä en selag skan am.
Luke uk diar
Bewerke
Commonskategorii: Klaasohm – Saamlang faan bilen of filmer