Text:Witsi Sölring

"Uur sa üs di Jungen; dānen jert dat Hemelrik."

Witsi of Grapen en di Spraak haa fuul me dat Benerst fan di Mensken tö dön,
en diarbenen uunet fuar't miist jaa dach di Dreeng of dat Faamen,
wat em jens wesen es.
Ja ken help, en Spraak "üp di Grün" tö kum, dat et wat muar uur üs jen Uurt bi dit Naist tö stel.
Es jaa noch nönt sa swaar üs dat Formuliarin fan en Pointi.

Fuar't Miist fan en Saamling nemen, diar Erk-Uwe Schrahé maaket heer.

____________________________________________________________

Fedji fraaget Tina: "Wet Dü me mi gung?"
- "Falt Di nönt beetert iin?"
- "Dach, man jü wel mi ek."
_____________________
"Foriiv mi, ik sjuk di Baanhof"
- "Dit foriiv ik Di hol. Sjuk man ruuig förter."
__________________________
"Helpst Dü Din Mooder al ön di Köken?",
fraaget Most.
"Jaa, wes!" swaaret litj Ose.
"Wat maakest Dü da al?"
"Ik teel di Sölwerskaier, wan Dü diar wesen best."
__________________________
Henning ken ek sa gur reekni.
Da sair di Skuulmaister:
"Dü sket man hentö di Apteek gung en fuar 10 Cent Forstant haali."
Fraaget Henning:
"Skel ik sii, dat di fuar Di es?"
__________________________
"Wan Din Faađer wust,
hur'ling Dü Di jir önstelst,
da fing hi wes gre Hiir."
"Dit wel höm noch mal frügi,
hi es jaa man gaar ek töfriar me sin Kālhaur."
__________________________
"Faađer, ken ik 5 Euro fo?"
"Dit jit ek bluat langsen 'fo',
dit jit uk maal 'dö'!"
"Es gur, Faađer: Kenst Dü mi 5 Euro dö?"
__________________________
Maike: "Gur Dai, ik wel hol en Baađiöntoch koopi."
"Jaa, wes,", meent di Forkooper,
"maatst Dü Di forhaali of wet Dü wat bilewi?"
__________________________
Maister: "Dü best jaa twuntig Minüten tö leet!"
Giseli: "Jaa, öntskiligi, ik skel jaa Faađer uur."
- "Naa, da gratuliari ik dach. Wan es't da sa fiir?"
- "Ooch, mi taacht, sa ön niigen Muunen!"
__________________________
"Naa, wat heest Dü deling weđer önstelt ön di Skuul?",
wel di Mooder weet.
"Hur'ling skul ik wat önstelt haa,
wan ik di hualev Dai iin ön di Huk stuun?"
_________________________
Wat maaki di Uastfriisen bi Eeb?
Ja forkoopi Bechlön hentö di Bayern.
________________________
Huraur ken en Wüfhaur me güül Hiir
ek gur Sowenensoowentig skriif?

Jü weet ek, hok Soowen üs Jerst kumt.
________________________
Di Skuulmaister fraaget, we'er jen weet,
hurfuar di suurt et wit Tasten ön't Klavier sen.
Swaaret Fedji:
"Dit es dach klaar:Di Suurten sen fuar en spöli bi Liik, en di Wit sen fuar Brölep."
_______________________
Petji en Klara sit bi Komeedii.
Sair Petji:
"Pasi üp, nü kumt di gurt Monolog:"
Sair Klara:
"Di wel höm dach wol ek fuar üüs henseet?"
__________________________
"Naa, min Dreeng,", sair di Dochter,
"weetst Dü hurtöögen ik Di imfet haa?"
- "Jaa, wes, dit wiar töögen min ain Wel!"
__________________________