Söl'ring


Waapen Kaart fan Dütsklön
Waapen fan di Stat Wyk
Wyk (Föör)
Dütsklönkoord, Positsjoon fan di Stat Wyk düütelk maaget
Koordinaaten: 54° 42′ N, 8° 34′ O
Basisdāten
Bundslön: Sleeswig-Holstiin
Krais: Nuurđfriisklön
Amt: Föör-Aamrem
Hoogdi aur NN: 4 m aur NN
Gurthair: 8 km²
Iinuuners:

4.384 (31. Det. 2021)[1]

Iinuuners per km²: 548 Iinuuners per km²
Postkeentaal: 25938
Fiirsnakifuarwaal: 04681
Autokeenteeken: NF
Gimiindinumer(AGS): 01 0 54 164
Adres fan di Amtsforwalting: Hafenstr. 23
25938 Wyk (Föör)
Internetsir: www.amt-foehr-amrum.de
Büürfööger: Heinz Lorenzen (KG)
Jir liit Wyk (Föör) ön Nuurđfriisklön
Karte

Biskriiwing Bewerke

Wyk (Platdütsk: De Wiek of De Wyk)es en Stat üp dat nuurđfriisk Ailön Föör.
Tö Wyk jert uk Bualigsem en Süđerströn.

Benen Wyk Bewerke

Wyk liit ön't Süđuasterjen fan Föör. Di Stat heer 4.500 Iinuuners; ön di Somer kum ombi 17.000 Baarigasten diartö.
Ön Wyk jeft et fuar di Feringers masi, wat et hurüđers ek jeft, sa üs Bechstofkraamer, en Zentrum fuar iintökoopi, Dochters,Bokerii, Post, en sa förter.
Dat Amt Föör-Aamrem en dat Sozialzentrum set uk ön Wyk.
Wyk lewit fuar't miist fan di Baarilir.

Gans Föör heer elev Gimiinden muar, en diar uuni 4.200 Mensken.


Histoorii Bewerke

1704 fing Wyk di "Hafengerechtigkeit" en uur en "Flecken", wat fuar hömsalev staan kür. Em wel ek muar me di üđer Gimiinden fan Föör töhop aarberi.

1819 uur Wyk "Seebad", dat jerst ön Sleeswig-Holstiin. Bi di Uastersee wiar al Heiligendamm (1794) en ön Uastfriislön Norderney (1797) "Seebäder" uuren.

Dat Gisjeft me di Baarilir wukseti man laangsem. Hat waariti twuntig Jaaren, bit dat diar muar üs 200 Gasten henkām.

Köning Christian VIII. faart fan 1842 bit 1847 ön di Somer hentö Föör fuar höm diar tö fuarhaali. Des maakit Föör wat bikeenter, en diar kām muar Gasten.
1844 es Hans-Christian Andersen diar wesen. Hi sair aur Föör sa fuul üs:

"Ik haa ark Dai baarit en ik mut dach sii, dae en dat diari Weeter ek sa lecht auriit.
Hat es dat senerkst Weeter, hur ik ön't Leewent benen wesen sen."

Andersen fortelt man uk, dat et ek sa iinfach wiar en kum hentö Föör:
Fan Hamborig wiar em aur Lön ombi fjuur Daagen önerwai.
Me Skep wiar dit bluat tau Daagen aur Heliglön, man diarbi kür em lecht seekraank uur.

1910 fing Wyk dat Statrocht.

Wert tö biluki Bewerke

Ön't Statgibiit fan Wyk es di Füürtorn Olhörn.

Ön't Carl-Häberlin-Museum uur ual friisk Wiisen en wat aur di Histoori fan Wyk weegit. Bi di Iingung staan tau gurt Walfesk-Knooken üs Ler.

Ön Bualigsem liit di Sērk St. Nicolai, wat ön't 13. Jaarhönert becht uuren es.

Hok Kilomeeters nuurđfuar es dat Fügelsjutsgibiit en di Bualigsemer Fügelkooji

Skelten Bewerke

Forwiisen Bewerke

  Commons: Wyk (Föör) – Saamling fan Skelter en Videos

Futnooten Bewerke

  1. Statistikamt Nord – Bevölkerung der Gemeinden in Schleswig-Holstein 4. Quartal 2021 (XLS-datei) (Widjerfeerd üüb grünjlaag faan't fulkstäälang 2011) (Halep üp Dütsk)