Amt Oomram
Det Amt Oomram wiar en amt üüb det eilun Oomram uun a Kreis Nuurdfresklun. Diar hiard a trii öömrang gemeenen Noorsaarep, Neebel an Witjdün tu. Det amt wiar 20 km² grat an hed 2300 iinwenern. Det ferwaltang seed uun Neebel.
Histoore
Bewerke1889 as det Gemeen Oomram uun a Kreis Tondern tu't Amt Oomram wurden. Di 13. Oktuuber 1912 hää ham det Gemeen Witjdün ufliaset an di 25. Jüüle 1925 det Gemeen Noorsaarep. Di 23. Febrewoore 1926 as di rest faan't eilun tu't Gemeen Neebel wurden.
1948 san a trii öömrang gemeenen tu't Amt Oomram ferbünjen wurden, diar bit 1970 tu a Kreis Südtondern hiard hää. Leeder hiard det amt tu di nei Kreis Nuurdfresklun.
Di 1. Janewoore 2007 as det Amt Oomram mä't Stääd Wik an a fering gemeenen tu't Amt Feer-Oomram tuupslööden wurden. Det ferwaltang sat nü uun A Wik an uun Neebel as noch en bütjensteed.