Angela Merkel

Tekst üüb Fering

Angela Dorothea Merkel (bäären üüs Angela Dorothea Kasner; * 17. Jüüle 1954 uun Hamborig) as en tjiisk poliitiker faan det CDU. Hat wiar faan a 22. Nofember 2005 tu a 8. Detsember 2021 bundeskansler faan det Bundesrepubliik Tjiisklun. Faan a 10. April 2000 tu a 7. Deetsember 2018 wiar hat uk det CDU-bundesföörstwüf.

Angela Merkel (2019)

Uk wan Merkel uun Hamborig bäären wurd, as hat man uun det DDR apwooksen, auer dat san aatj, Horst Kasner (1926–2011; bäären Kaźmierczak), diar uun Quitzow uun Brandenborig prääster wurden as. 1973-78 hee hat uun Leipzig Füüsik studiaret an en dochtertiitel maaget. De 3. September 1977 hee hat do Ulrich Merkel freid. Jo wiar man bluat fiiw juar befreid: jo wurd 1982 skääsd. Fjauer juar leeder liar Merkel Joachim Sauer keenen. 1998 befreid hat ham tu't naist feer.

Faan Janewoore 1991 tu Nofember 1994 wiar hat Bundesminister för Wüfhööd an't Jong Lidj an diarefter tu Oktuuber 1998 Bundesminister för Amwäält, Natüürskül an Reaktoorseekerhaid.

Luke uk diar

 Commons: Angela Merkel – Saamling faan biljen of filmer

Kanslern faan't Bundesrepubliik Tjiisklun (Waasttjiisklun 1949-1990)

Konrad Adenauer (1949-1963) | Ludwig Erhard (1963-1966) | Kurt Georg Kiesinger (1966-1969) | Willy Brandt (1969-1974)
Helmut Schmidt (1974-1982) | Helmut Kohl (1982-1998) | Gerhard Schröder (1998-2005) | Angela Merkel (2005-2021)
Olaf Scholz (2021-)