Billy Hughes

Tekst üüb Fering

William Morris Hughes, beeder bekäänd üüs Billy Hughes ([hjuːz]; * 25. September 1862 uun Pimlico, London, Ingelun; † 28. Oktuuber 1952 uun Double Bay, Sydney, New South Wales) wiar faan 27. Oktuuber 1915 ap tu 9. Febrewoore 1923 premierminister faan Austraalien.

Leewent

Hughes wurd uun London üüs dring faan Wales aalern bäären. Mä 22 juar waanert hi tu Austraalien ütj an engagiaret ham uun det jong werkerbeweeging. Hi wurd 1894 üüs lasmoot faan det New South Wales Labor Party uun det Legislative Assembly faan New South Wales woolet an 1901 iin uun det nei bundesparlament fersaat. Hughes ferboon sin ääder poliitisk karieer mä'n tialtidjstuudium faan't rochtswedenskap an wurd 1903 en afkoot. 1904 treed hi tu det iarst feer iin uun't kabinet faan regiaring faan Chris Watson iin. Hi wiar lääder generoolstootsafkoot uun't regiaring faan Andrew Fisher. Hi wurd 1914 tu a onerföörmaan faan det Australian Labor Party woolet.

Premierminister

Hi wurd Oktuuber 1915 premier-minister faan Austraalien, üüs Fisher faan sünjhaideelk grünjer iin uun a raustant ging.

1916 ferschükt hi det algemian weerplicht uun Austraalien an a iinsaat faan austraalisk saldooten uun't ütjlun troch en referendum trochtusaaten. Det loket ei. Do saat hi ham för en stootelk stjüürd iin. Hi hed nian muarhaid för sin politiik ban't Labor-Partei, wat hi tuletst sogoor ütjslood. Diarüübhen wurd hi feerer faan det Nationalist Party of Australia an ferschükt weler uun't juar 1917, tu't apsteling faan en widjer austraalisk diwisioon det algemian weerplicht trochtusaaten. At ufsteming naam mä'n noch dütelker stem jin det algemian weerplicht en aanj. Hughes küd ham man tu 1923 uun't baantje hual.

Luke uk diar

Commons: Billy Hughes – Saamling faan biljen of filmer

Weblinks

Fitzhardinge, L. F. (1983), "Hughes, William Morris (Billy)" uun det Australian Dictionary of Biography (üüb Ingels).

Föörgunger	Amt	Efterfulger
Andrew Fisher	Premier-Minister faan Austraalien 1915-1923	Stanley Bruce