Boucle du Mouhoun (Regiuun)
 Tekst üüb Fering
|
Det Boucle du Mouhoun Regiuun (üüb Fraansöösk: La Région de la Boucle du Mouhoun [bukl dy mu.un]) as en regiuun uun de aafrikoons stoot Burkiina Faaso. At regiuun leit uun a waast faan't lun an as efter de Mouhoun Struum neemd. Uun a nuurdwaast leit Maali, uun a süüd lei dön Hauts-Bassins an Sud-Ouest Regiuunen an uun a uast dön Centre-Ouest an Nord Regiuunen. At regiuun hee 1.434.847 lidj (2006). At hoodsteed faan't regiuun as Dédougou.
Geografii
BewerkeAt regiuun as tausis grater üüs Sleeswich-Holstian. De Nanga Berig (417 m), wat de aachsthuuchst berig uun Burkiina Faaso as, leit uun det Sourou Prowins faan detheer regiuun. De Mouhoun Struum leept faan a süüdwaast tu a maden faan't regiuun, huar de Sourou Struum iin uuna struum leept. Do bocht de Mouhoun tu a süüduast an leept tu at grens twesken det Boucle du Mouhoun Regiuun tu det Centre-Ouest Regiuun. Diarefter leept a struum tu a süüd an biljet at uastgrens faan't regiuun, mä ütjnoom faan en letj dial faan't regiuun uun a süüd, wat üüb a uasteeg leit.
Indialing faan Ferwalting
BewerkeAt regiuun hee seeks prowinsen.
| Prowins | Grate (km²)[1] | Lidj (2006)[1] | Hoodsteed | |
|---|---|---|---|---|
| 1 | Balé | 4596 | 213.423 | Boromo |
| 2 | Banwa | 5888 | 269.375 | Solenzo |
| 3 | Kossi | 7328 | 278.546 | Nouna |
| 4 | Mouhoun | 6659 | 297.350 | Dédougou |
| 5 | Nayala | 3923 | 163.433 | Toma |
| 6 | Sourou | 5768 | 220.622 | Tougan |
Histoore
BewerkeAt regiuun, üüs dön twaalew öler regiuunen uun Burkiina Faaso, wurd 2. Jüüli 2001 grünjlaanjen.
Politiik
BewerkeA guwernöör faan't regiuun sant 2011 as Victor Dabiré.