Hautjarscher
 Täkst aw mooringer frasch
|
En hautjarscher as n seelewkäärend maschiin, jü ferwånd wårt tu dåt bärjen foon kjarlfruchte, rauwsädj, sanrouse, eekerbuune än gjarssädj.
Jü maschiin as ütrüst ma en knifbüüljke, scheerscheew, heesp, önjtiisnäk, tjarschtrumel än sääwe. Deerdöör wårt önj aan årbesgung jü frucht haud, turschen än wårt dåt sädj riinsched. Oufhängi foon jü tu bärjen frucht wårt en hauforsats, di bestönjt üt haubüüljke, scheerscheew än heesp an jü maschiin kååwled.
haue Bewerke
Di haubrååtj koon lade twasche 3 än ouer 10 meeter. Jü frucht wårt en latje iinje boowen jü grün oufhaud, weerdöör en iinje foon di staingel (jü stöpel) stönjen blaft. Jü frucht fålt eefter dåt hauen aw jü scheerscheew än wårt foon jü ründdraiende heesp än jü önjtiisnäk in di tjarschtrumel önjfjard.
tjarsche Bewerke
Di fruchtstruum wårt twasche di tjarschtrumel än di måntel fjard, weer döör wrising dåt sädj (da änkelte kjarle) foon dåt strai schååst wårt. Awäädrie kamt dåt strai aw da schudere än da ma dåt strai nuch mafjarde kjarle fåle döör hoolinge eefter unern aw dåt boowerst sääw.
riinsche Bewerke
Dåt sädj üt di tjarschtrumel fålt aw dåt boowerst sääw. Uner jüdeer säaw sat nuch iinj. Dåt boowerst sääw heed grutere hoolinge as dåt unerst sääw. Döör en püster wårt en luftstruum döör da sääwe draawen än deerdöör fåle bloot da swåårere diile (dåt sädj) döör da sääwe. Üt di riinschingsprotsäs kaame tra produktstruume:
da åågene Bewerke
Ål wat aw dåt boowerst sääw laden blaft, bestönjt üt da åågene, lääsie paale än lääsie wupe. Dåt fålt aw di grün tubääg.
tubäägstruum Bewerke
Ål wat aw dåt unerst sääw laden blaft, san huulew unti ai turschene wupe än kjarle, da nuch bai da åågene klaawe. Dåt wårt for nai eefter di tjarschtrumel transportiird än nuch iinjsen turschen.
produkt Bewerke
Ål wåt döör dåt unerst sääw fålt, as riin sädj, dåt eefter di kjarltank transportiird wårt.
instaling Bewerke
For en gödj resultååt mötj jü gauihäid foon di luftstruum döör da sääwe gödj instald wårde. As jü tu läich, dan gunge ma dåt sädj uk latje stöögne strai ma. As jü tu grut, dan wårt dåt sädj uk tu diiljs wächpüsted. Jü gauihäid wårt räigled döör jü draitål foon di püster. Oufhängi foon jü tu bärjen frucht wårde uk unerschiidlike sääwe brükt, ouers modärne hautjarschere san oofding ütrüsted ma ferstalbåre sääwe.
sädjläägering Bewerke
Dåt sädj wårt eefter di kjarltank transportiird än wan di ful as, wårt hi döör en Ouftankröör ap an Önjhånger önjtlääsen. Modärne hautjarschere koone bit süwat oocht toone korn in di tank läägere.
ouffål-ferårbing Bewerke
Dåt strai koon önj en swees ääder di hautjarscher aw e grün dilläid wårde. Aw hu hautjarschere as dåt uk möölik, dåt strai ma en håkelskast latj tu måågen än ouer dåt lönj tu ferspriidjen. Önj hu fåle wårde da åågene ma treele fersprååt.
önjdriwing Bewerke
Di hautjarscher wårt önjdraawen ma en diiselmotoor. Da ferwånde laistinge lade twasche 100 än 400 kW. Jü önjdriwing foon da tjarschmechaniie schait bål åltens ouer kilriime. Jü önjdriwing foon da fiile schait mechanisch unti hydraulisch.
haanewising Bewerke
Wikimedia Commons heet bile unti filme tu: Hautjarscher
|
Didiar artiikel as di 1. Febrewoore 2013 uun det list faan gud artiikler, diar det leesen luane apnimen wurden. Uun uugenblak jaft at diar 73 faan. |