Interval (Musiik)
 Söl'ring
|
En Interval (Latiinsk fuar "Rüm twesken Pualen") weeget di Rüm twesken tau Tööni, om tö biskriif, hur fiir dānen ön di Toonleđer ütenachtler lii.
Interval-Noomen en Stööpen ön di Toonleđern
BewerkeÖn Euroopa her em forskeligi Toonsysteemi, en diarfan kür höm bit ombi dit Jaar 1700 dit Dur-Moll-Systeem, wat wü deling keen, döörseet. Di Üđern sen deling fuaral üs Sērken-Toonleđern bikeent, aurdat ön't Merelaaler fuaral ön Sērken masi Musiik üttaacht en maaket waar. Des Systeeme wiar fuar't Miist heptatoonsk, dit meent, aur soowen Tööni. Uk des her tau hualev Toonstööpen, en diarom jit uk des diatoonsk ("Di" en "dia" es latiinsk fuar tau).
Di Intervalnoomen waar aurnomen. Di bikeentest sen dānen, diar jir weeget sen:
| Stööp | Noom | Forklaaring | Bispöl üp C-Dur |
|---|---|---|---|
| 1 | Prime | Tau maal di salev Toon | C - C |
| 2 | Sekunde | Jest en taust Toon | C - D |
| 3a | Terz | Terz formenert, Moll- of litj Terz Jest en "tauenhualevst" Toon |
C - E♭, beeter: A - C |
| 3 | Terz | "Gurt" of Dur-Terz, Toon 1 en 3 | C - E |
| 4 | Kwarti | Jest en fjuurst Toon | C - F |
| 5 | Kwinti | Jest en fifst Toon | C - G |
| 6 | Sexti | Jest en sokst Toon | C - A |
| 7 | Septi | Jest en soowentst Toon | C - H (Int.: B) |
| 8 | Oktāvi | Jest en aachtst Toon | C - C' |
| 9 | Nooni | Jest en niigenst Toon | C - D' |
| 10 | Deziimi | Jest en tainst Toon | C - E' |
Hur fiir giar dit?
BewerkeDes Systeem giar āp bit tö hönert Stööpen, dit wiar da wat en bisnaki me di Dochter, wan em dit ütaarberi wil. Bi daagelks Musiik kumt bal nönt Üđers fuar üs bit tö di Oktāvi.
En bet wat aut Noonenakordi
BewerkeDi Nooni kumt somtirs fuar, bi sok Leedjis üs " We are the world" kum ön di Bröch Noonenakordi fuar:
Cadd9 Dadd9 Eadd9 When you're down and out and there seems no hope at all But if you just believe, there's nowhere you can fall.
Bi des Akordi uur di Nooni diartö spöet, bi C-Dur en hoogi D, bi D-Dur en hoogi E, bi E-Dur en hoogi F♯
Bi di Rock- en Bluesmusiik sa üs somtirs uk bi Jazz uur me "♯9"-, di "Krüts-Niigen"-Akordi aarbert. Bi sok Akordi es di senerligi Toon en hualev Toon aur di Nooni, wat dit "♯" weeget.
Jimi Hendriks heer me Purple Haze en senerligi Stek skrewen. Di Kadens diartö bigent me E♯9 en diar da aur G- en A-Dur:
Bispöl Purple Haze[1] |E♯9 | G A | Di Streeken weegi di Takti.
Des Stek lefet diarfan, dat em üp Gitari, di diip E-Streeng frii swingi ken. Di Akord uur me C7 ön di soowenstst Bund maaket. Fuar di "♯9"-Toon kumt di litj Finger ön di aachst Bund fan di H-Streeng.
En gur Bispöl fuar di "♯9"-Akord, jir ön D-Dur, es "Taxman" fan George Harrison[2].
Di Intervali reekni jam töhop
BewerkeBi dit Systeem es dit gur tö weet, dat di Intervali töhop üp en Oktāvi ütkum.
Bispöl: En Kwarti giar fan C tö F, en en Kwinti giar fan F āp tö C'.
Bi fjuur (Kwarti) en füf (Kwinti) kumt da ek niigen üt. Rocht es aacht, en Oktāvi, aurdat di jest Toon bi ark Interval meteelet uur.
Dit es gur tö weet, wan em me di Kwintenkrais of Instrumenti sa üs di Gitari aarberi wel.
Luki uk jir
BewerkeStevie Ray Vaughan spölet "Taxman" Di "Wunschlistenband" spölet "Taxman"