Kleopatra VII.

Tekst üüb Fering

Kleopatra VII. Philopator (üüb Greks: Κλεοπάτρα Θεά Φιλοπάτωρ Kleopátra Theá Filopátōr; * 69 f. Kr. uun Aleksandria; † 12. August 30 f.Kr. uk diar) wiar faan 51 f.Kr. tu 30 f. Kr. det letst köning faan det matsedoons Ptolemaois-dünastii faan Egypten an tu salew tidj det letst wiifelk Pharao. Uun dön iarst fjauer juar regiaret hat mä san bruler Ptolemaios XIII., diar 47 f.Kr. uun't ääler faan fjauertanj juar stoorew, do tu 44 f.Kr. mä san öler bruler Ptolemaios XIV. an tuletst tu 30 f.Kr. mä san dring Ptolemaios XV..

Pharao Kleopatra VII.

Hat wul sin rik konsolidiare an ütjbag, küd detheer mual ei jin at wäältmeecht faan det Röömsk Republiik trochsaat. Diaram woon hat dön tau meechtigst röömern faan hör tidj, tu iarst Julius Cäsar an efter san duas Marcus Antonius, tu geliibten an küd mä hör halep för hög tidj at meechtsteling faan't rik faan a Ptolemäer dütelk ferbeedre. Antonius sin deellaag jin Oktavian, de leeder keiser Augustus, wiar at aanj faan sin reegiment. Kleopatra an Antonius ded jo tu kurt, an Egypten wurd tu't röömsk prowins Aegyptus.

Föörgunger	Amt	Efterfulger
Ptolemaios XII.	Köningin faan Egypten 51 f. Kr.-30 f. Kr.	Egypten wurd dial faan det Röömsk Rik