Kuldīga

Täkst aw mooringer frasch

Kuldīga (tjüsch: Goldingen) as en stää önj Kuurlönj önjt weesten foon Letlönj. E stää heet 10.000 inboogere (2021) än as et sentrum foon e kris Kuldīgas novads.

Kuldīga (Lettland)

Kuldīga önj Letlönj

Iir dåt da tjüsche ridere eeftert Baltikum kömen, häin da Kuure - dåt baltisch följk wat iirtids önjt weesten foon Letlönj booged - heer en borj. Önjt nüügenst iirhunert önjtstöö näist e borj en boogseeting. Eeder önjt tratäinst iirhunert kömen da tjüsche ridere än brånden e borj dil. Dåt jarst tooch wörd Kuldīga önjt iir 1242 nåmd as da ridere nü jarnge äine borj foon stiinj heer bägeden. Önjt fjouertäinst iirhunert häi e stää har formd, än jü trätj 1368 tu e Hanse bai. Am 1600 wus Kuldīga önj twunti iir e hoodstää foont hiirtuchduum Kuurlönj. 1702 wörd e borj foon dåt swänsch hiir plünerd än önjstöög mååged. Diling as Kuldīga en Europääsch Årw än lasmoot önj e Nai Hanse.

Jü üülj klänkerbru ouerwäch e Venta, ma jü üüljstää foon Kuldīga önj e äädergrün

Döör Kuldīga låpt di struum Venta, wat ouders as da mååste struume önj Euroopa heer nuch san natörlike luup heet än ai kanalisiird as. Bekånd as Kuldīga besuners for di briidjste wååderfål önj Euroopa, Ventas Rumba, än jü üülj klänkerbru ouer e Venta foon 1874, weer diling nuch e hoodstroote ouer aw låpt.