Kuter

"Kuter" (Fan engelsk: cutter, fan: to cut = skiar) uur forskeligi Buaten en Skeepen neemt.
Di jit sa, aurdat di Fuarsteeven (Ofslüt fan't Önerweeter-Skep bi di Bug) bal āprocht stuun en rocht sjarp töhop laap.Da uur di Rump tö di Meren hen breerer en lapt naa achtern hen laangsem weđer töhop. Boowen dit Weeter giar di Breerhair rocht gau ütenachtler, en diarfan heer en Kuter fuul Plaats en ken ek olter lecht kenteri. Dit es uk di Grün, hurom Feskeriiskeepen fuar't Miist Kuter sen.

Siilkuter fan di 1930er Jaaren.
Sails ön en Kuter
Siilkutern bi di Kieler Woche

Aarten

Siilkuters

Siilkuters haa fuar't Miist jen Meest me tau of trii Sails.

Üs Krichskutern

Bi forskeligi Mariinen tö Tiren fan di Siilskeepen wiar uk Kutern me Kanoonen diarön. Des wiar da Krichskutern.
Ja her masi Sails, dat ja üp Faart kum kür, en diarfuar waar masi Liren ön Buurt brükt.
Di Krichskuters waar fuar Kontrolfaarten, üs Kurier-Skeepen, fuar di Zoll ön somtirs uk üs Kāperskeepen brükt.
Aurdat ja bluat jen Meest her, kür ja ek muar faar, wan des ön Steken sjoten wiar of di Sails ofbronen wiar. Diarom waar di Kutern bal fuar iinfacheri Āpgaawen iinset, diar ek sa eetfiarelk wiar.

Üs Bi- en Sportbuaten

Üp Krichsskeepen wiar aaftinoch Retingsbuaten me ön Buurt, wat em rö kür (8 bit 14 Riimen) of aaftinoch uk siili.
Fan des Buaten es di Sportbuat-Klasi Mariinikuter uuren sa üs uk di "Jugendwanderkutter".

Maskiinen-Kutern

Fesk- of Porenkutern

Fesk- of Porenkutern sen litjer (bit ombi 24 Meetern Leengdi) Maskiinenskeepen fuar't Feskin nai bi di Weeterkanten. Wan't förter üt gung skel, da uur Trawlers nomen of Kutern, wat leenger sen üs 24 Meetern.
Di Noom es uk jir bihölen blefen, aurdat di Forem fan di Rump jit sa ütsjocht üs jerer.
Aurdat dit me Maskiinen jaa lechter faar en faar me san Skep, brükti em Keenteeken. Jir es di Listi fan di Feskerii-Keenteeken ön Dütsklön'.

Krichskutern

Krichs-Feskkutern (KFK) wiar ön di Taust Warelkrich Skeepen fan ombi 24 m Leengdi, diar üs Fuarpostenbuaten brükt waar. Hok fan des sen jit üs Angelkuters bi di dütsk Uastseekant ön Faart.

US Coast Guard Cutter

Di gurtest Kuter üp Wārel sen ön Amerika önerwai en di Liren diarön pasi fuar di Weeterkanten üp (United States Coast Guard). Des Skeepen sen aaftinoch aur 150 Meetern lüng, en ja jit ek bluat „Cutter“ (engl. fuar „Kuter“), ja haa uk jit di Rump-Forem, wat bluat leenger maaket es en da jit förter forbeetert. Siilt uur diar man fuar't Miist ek, en üp Dek sjocht di aaftinoch üt üs Krichskeepen, uk wan di dit ek sen.

Di US Coast Guard neemt bal ark Skep en „Cutter“, man fuar't Miist sen di al üđers becht. Dit kumt diarfan, dat di Coast Guard ön jerer Tiren me Siilkuters bigent es en di Noom sa iin ön di Haurn blef. Üp US-Engelsk jit "Cutter" sa fuul üs Skep fan di Coast Guard, uk wan dit en Isbreeker es en di Rump wes niin Kuter muar wiis ken.

Luki uk jir

Commons: Kuters en Siilkuters – Saamling fan Skelter en Videos

Commons: Siilkuters – Saamling fan Skelter en Videos

Wiktionary: Kuter (Dütsk)