Maledive
Täkst aw mooringer frasch |
E Maledive bile en ailönjfloose. Jü bestoont üt 1190 koralenailönje, ferdiild önj 26 atole önj e Indisch Ooseåån, tut söödweesten foon Indien. Da ailönje lade ferstraild ouer en fläche foon moinäi 90.000 km², ouers jü hiil lönjouerfläche as mån 298 km². Dåt grutst ailönj as 5 km² grut än et jeeft bloot nüügen, wat gruter san as 2 km². Foon da ailönje san 200 bebooged än nuch 88 san bloot turistegebiite.
Histoori Bewerke
Jü histoori foon da jarste beboogere as ai bekånd, ouers hu arkeoloogische fanste wise deeraw haane, dåt e Maledive ål süwat 5000 iir bebooged san. Ouers oudere kwäle seede, dåt e kolonisasjoon foon e Maledive jarst süwat 500 iir for krast schänj as. Sunt dåt jarst iirhunert for krast wjarn e beboogere buddhistisch, ouers 1154 bekiirde di kining tu jüdeer tid ham tu e islam. Dåt lönj as et grutst diilj foon sin histoori ünoufhingi wjarn, ma ütnååme foon änkelte perioode, weerfoon en 17-iiri portugiisisch ouerhiirsching önjt 16. iirhunert jü långst as. Inåål regiirden deer 84 sultane. Önjt iir 1887 kömen da Maledive uner britisch schirmhiirschap, ouers e brite bemöiten jam ai am e baner politiik.
Politiik Bewerke
E Maledive wjarn foon 1982 bit 2016 än sunt 2020 lasmoot foon e Commonwealth of Nations.