Martin Luther

Tekst üüb Fering

Martin Luther (* 10. Nofember 1483 uun Eisleben, Graafskap Mansfeld; † 18. Febrewoore 1546 uk diar), en mönk uun a orden faan a Augustiinern an prufesoor faan't teologii, wiar de wichtigst figüür faan't Reformatschuun. Hi wurd 1507 prääster. Hi begand muar liaren an brüken faan det Röömsk-Katuulisk Sark uf tu lönen. Fööraal wiar hi jin 't brük faan ufleeten. Hi sluch uun sin fiiw-an-njüügentig teesen faan 1517 en akadeemisk diskuschuun auer't brük an wirksoomhaid faan a ufleeten föör. A poop faan't sark, Leo X., beed ham a ideen uun a teesen turag tu tjin. Hi lönet uf, an wurd faan a poop ekskomunikiaret an faan a kaiser Kaarl V. tu en gesetsluasen maaget.