Moskau (Gratfürstendoom)

Foehr.svg Tekst üüb Fering


Det Moskau Gratfürstendoom (üüb Rüs: Вели́кое кня́жество Моско́вское Velíkoje Knjážestvo Moskóvskoje) wiar en rüs fürstendoom, wat faan det 13. juarhunert tu det 16. juarhunert uun a nuurdwaast faan Rüslun wooret. Det wiar tu iarst en fürstendoom (tu 1325 en dialfürstendoom faan Wladimir-Susdal), do faan 1328 en gratfürstendoom. Det wurd 1547 oner Iwan IV. det Rüs Keiserrik. A fürsten faan Moskau wiar faan det Rurik-Dynastii, wat dön rüs lunen sant at juar 862 regiaret, üüs at steed Nowgorod amtelk grünlaanjen wurd.

Koord faan't Waaksdoom faan det Moskau Gratfürstendoom twesken 1300 an 1462

De iarst fürst wiar Daniil I., fürst Aleksander Newski faan Nowgorod, Wladimir-Susdal an Kiew san jongst dring. At meecht faan't gratfürstendoom wuks: 1485 wurd det Nowgorod Republiik an 1485 at Twer Gratfürstendoom dialen faan Moskau.

Det gratst fürst wiar Iwan III. (of Iwan de Grat), diar a tiitel keiser (üüb Rüs: царь tsar[1]) naam an Sofia Palaiologina befreid. Sofia wiar de letst keiser faan det Uaströömsk Rik, Konstantin XI. Palaiologos, san nichte. Iwan III. saad, at Moskau a efterfuliger faan det Uaströömsk Rik wiar (det "Traad Room"). Iwan III., of Iwan de Skrekelk, san enkel, skeeb 1547 det Rüs Keiserrik.

Fürsten an GratfürstenBewerke

  • Daniil Aleksandrowitsch Moskowski (1272-1303)
  • Juri I. Daniilowitsch (1303–1325)
  • Iwan I., „de Jilseek“ (1325–1341, faan 1328 gratfürst)
  • Simeon, „de Stolt“ (1341–1353)
  • Iwan II., „de Smok“ (1353–1359)
  • Dmitri I. Donskoi (1359–1389)
  • Wasili I. (1389–1425)
  • Wasili II., „de Blinj“ (1425–1462)
  • Iwan III., „de Grat“ (1462–1505)
  • Wasili III. (1505–1533)
  • Iwan IV., „de Skrekelk“ (1533–1584, faan 1547 keiser faan det Rüs Keiserrik)

Kwelen an FutnuutenBewerke

  1. Uk faan de röömsk nööm Caesar.