Murad III.

Tekst üüb Fering

Murad III. (üüb Osmaans Türkisk: مراد ثالث Murād-ı s̱ālıs̱, üüb Türkisk: Üçüncü Murat; * 4. Jüüle 1546 uun Manisa; † 16. Janewoore 1595) wiar faan 15. Deetsember 1574 tu san duas sultaan faan det Osmaans Rik. Hi hed nian neeging tu't politiik; sin tidj ferbroocht hi uun seelskap faan musikers, dachtern an kloonen. At regiaring faan't rik wurd faan a gratwesiir Sokollu Mehmed Pascha tu sin ambringung uun Oktuuber 1579 feerd. A inflööd faan't Harem hed san hööchteponkt uun sin regiaringstidj.

Sultaan Murad III.

Leewent

Murad wurd 4. Jüüle 1546 uun Manisa bäären. Hi wiar de äälst dring faa sultaan Selim II. an Afife Nurbanu. Uun't juar 1557 wurd hi tu a guwernöör faan Akşehir neemd. Uun't ääler faan aagetanj wurd hi tu a guwernöör faan Saruhan neemd. San ualaatj sultaan Süleyman I. stoorew, üüs Murad 20 juar ual wiar, an san aatj wurd de nei sultaan. Selim II. bruch traditschuun an stjüürd bluat sin äälst dring ütj a palast, am en prowins tu regiarin. Murad wurd tu Manisa stjüürd.

Selim stoorew 1574 an Murad wurd do sultaan. Hi ded order, dat sin fiiw breler troch wirgin ambroocht weese. Sin autoriteet wurd faan a inflööd faan't Harem swaaket. Uun sin regiaringstidj wurd at rik faan kriiger uun't nuurdgrens an uastgrens preeget. 1578 begand en lung an jüür fialtooch jin Persien. A kosten faan a krich moost dialwiis faan faan en jilwechwäärting finansiaret wurd an kaam rewolten faan a Janitschaaren efter. 1593 bruch uun Euroopa de soneemd Lung Türkenkrich ütj, wat tu auer Murad san duas wooret.

Luke uk diar

• Sultaanen faan't Osmaans Rik uun't seekstanjst juarhunert: Bayezid II. (1481-1512), Selim I. (1512-1520), Süleyman I. (1520-1566), Selim II. (1566-1574), Murad III. (1574-1595), Mehmed III. (1595-1603).

Föörgunger	Amt	Efterfulger
Selim II.	Sultaan faan det Osmaans Rik 1574–1595	Mehmed III.