Tekst üüb Fering


Dame Edith Ngaio Marsh ([ˈnaɪ.oʊ mɑːʃ]; * 23. April 1895 uun Merivale, en steeddial faan Christchurch, Nei-Sialun; † 18. Febrewoore 1982 uun Christchurch) wiar en nei-sialuns skriiwer, schauspeler an teooterreschisöör. Hat wiar ian faan dön bedüüdener skriiwer faan dön klasisk detektiiwstaken, üüs jo fööraal faan britisk autooren uun't tidj twesken dön tau wäältkriiger skrewen wurd. Marsh as bitu Agatha Christie, Dorothy L. Sayers an Margery Allingham üüs ian faan dön Queens of Crime (köninginen faan't ferbreegen) bekäänd. Hat skreew twesken 1934 an 1982 32 detektiiwromoonen. Föl diarfaan spele uun a wäält faan a teooter, fölsis drei jo's am William Shakespeare sin draamen. Hat as fööraal för hör karakter, Roderick Alleyn, en detektiiw, diar för det Metropolitan Police uun London werket, bekäänd. Högen faan hör werken san ferfilmet wurden.

Ngaio Marsh (amanbi 1935)