PIN

Söl'ring

En PIN (Personal Identification Number) es en Töhopsteling fan Talen, wat üs en Aart fan Kai tiinet, wan em iin ön en Systeem wel.
Di Numer es en Aart fan Pasuurt.

Bikeent es di PIN fuaral uuren, üs me di Jilautomaaten di EC-Kaarten ütdönen waar, hur di PIN töhop me di Kontodaaten üp en Magneetstrip spiikert es. Ön di Swaits jeft et uk Kontokaarten me 6 Talen. Me des Systeem ken em man ek gur ön Dütsklön reer, aurdat diar di Giraaten fuaral fuar PIN me fjuur Talen iinrocht sen.

Uk bi di SIM fuar dit Mobiiltelefoon heer em PIN me 4 Talen.

Seekerhair

Di Seekerhair es sa gur üs di Mensk en dit Systeem, wat di PIN fuar höm- of höörsalev bihual skel. Diaraurhen es di Seekerhair gurter, wan di Numer leenger es:

En PIN me 4 Talen let al masi Numern tö, man muar sen dit me 6 of 8 Talen diarbenen.

Bi 4 Talen sen dit $10^{4}=10.000$

Wan em trii Lop forsjuk mut, kumt em me $1/3.333$ üp di rocht Numer.

bi 5 Talen sen dit al $10^{5}=100.000$

Wan em trii Lop forsjuk mut, kumt em me $1/33.333$ üp di rocht Numer.

Fuar en Kompjuuter es dit man niin gurt Swaarhair en kum likert üp di Numer.
Diarom haa di Maskiinen, hur dit iindönen uur, jit Mechanismen, wat di rocht Numer üs en fuul leengeri Tal of Pasuurt tö di Reekenmaskiin stjüüri, wat dit da weđer töbeekreeknet en ütfent, weđer di PIN rocht iindönen uuren es.

Di EC-Kaarten haa deling en senerlig Chip, wat di Automaat uk jit wat fortelt.
Dit Risiko es man gurter, wan em önerwai me sin Kaart ön en POS, en Point of Service bitaalet. Des ken salev öntskiar, weđer em sin PIN iindö skel of iinfach önerskriif mut. Uk di Seekerhair es aaftinoch ek sa gur üs bi di Automaat ön di Spaarikas.

Wan en PIN me Bokstaawen sa üs "wiki0815" töhopseet uur, da sen dit bi 26 Bokstaawen üt dit Alphabeet (Bluat litj Bokstaawen) bi üs Bispöl al $26^{4}=26*26*26*26=456.976$ Bokstaawenreegen en 10.000 Talenreegen, wat meenachtler maalnomen 4.569.760.000, bal 5 Miljārden Töhopstelingen sen. Wan em trii Lop forsjuk mut, kumt em me 1/ ~1,53 Miljārden üp di rocht Kombinatsjoon.
Wan bluat jen Bokstaav gurt of litj wiis ken en da uk sa fastlair uur, da uur dit jitjens 26⁴ maal muar, aurdat de gurt Bokstaav weđer ön ark fan di fjuur Stairen stuun kür:

Wiki0815, wIki0815, wiKi0815 esf.

Des es da man sa lungsem en Pasuurt.