Pensel-Duel
 Söl'ring
|
En Pensel-Duel es en Wetstrir fan tau Konstmaalers of -teekners.
Des fo fuar di Inj di Āpgaav, Teksti, wat Skriiwers fuarlees, bi't Töhiiren tö ilustriari.
Di Forskel tö en normaali Ilustratsjoon es, dat di Teekners di Teksti ek keen, sa dat di Skelter fuar't Miist dach en bet wunerk ütfal ken.
Di Taacht diarachter des, dit, wat bi di Poetry Slam pasiaret, me Skelters tö forsjuk.
Uk jir sair dat Publikum, hok Könstler di "beeter" Aarber maaket heer.
Poetry Slams ön Nuurđfriislön en üp Söl'
BewerkeDat jest Pensel-Duel wiar ön di 4. Mai fan't Jaar 2012 iin ön't "Muasem Hüs" ön Muasem üp Söl'.
Initsjatooren wiar Bjørn Høgsdal fan Kiel, Jens-Uwe Ries, en Techter fan Weesterlön' en di Konstmaaler Peter Klint fan Tinem üp Söl'.
Di Könstlers wiar di Teekners/Maalers Peter Klint en Katharina Kierzek (Kiel)[1] Di Techters wiar Bjørn Høgsdal[2], Torsten Wolff (Kiel)[3] en Jens-Uwe Ries. Tö des Inj wiar ombi 70 Mensken kemen.
-
Peter Klint teeknet bi't Pensel-Duel... -
... en Katharina Kierzek skel töögenön. -
Torsten Wolff (Autor) -
Jens-Uwe Ries (Autor)
Bispölen
BewerkeJir sen di Teksti kuurt biskrewen en bitö di Skelters weeget, wat diarbi ütkemen sen.
-
Di Tekst wiar fan en Jungensgaart, en da ging't di Popen ring.(Bjørn Høgsdal) -
Fan en Forseekeringsman, wat meent, dat hi ön sin Hooghüs aur di Liren staant (Torsten Wulff) -
Fan jen, hoken höm ön Berlin forlaapen heer en uk jit forkiirt Biskiir aur di Mensken diar meher. (Skelt: Peter Klint, Tekst: Torsten Wulff) -
Uk dat Staatji fan Berlin, man en üđer Skelt diartö (Skelt: Katharina Kierzek, Tekst: Torsten Wulff) -
Bi des Tekst uur dat Baarin fan di Jungen me di Folter fan di CIA töhopsmeten. Di Kat uur da jit rasiaret.(Bjørn Høgsdal)
.jpg)
Futnooten
BewerkeFuar en nii Tab "Strg" drüki en da kliki!
- ↑ Katharina Kierzeks Konstlaaden ön't Nat.
- ↑ Björn Högstal ön't Nat (Assemble Art)
- ↑ Torsten Wolff ön't Nat. Archiwiaret faan det originool di 2. Mei 2012. Ufrepen di 5. Mei 2012.