Tekst üüb Fering


Plutarch (üüb Ualgreks: Πλούταρχος Plútarchos, üüb Latiins: Plutarchus; * amanbi 45 uun Chaironeia; † amanbi twesken 120 an 125) wiar en ualgreks skriiwer. Hi skreew föl biograafisk an filosoofisk skraften: dön bekäändst diarfaan san dön Paralel Leewentsbeskriiwingen (üüb Ualgreks: οἱ βίοι παράλληλοι Bíoi parálleloi, üüb Latiins: Vitae parallelae) auer wichtig grekern an röömern, an dön Moralia (üüb Ualgreks: Ἠθικά Ēthika), en fersoomling faan essays an reedin.