Powerbank

Söl'ring

En Powerbank es en Akku, hur em elektrisk Energii iinleer ken. Iin ön sa'n Giraat set uk jit en Omseter, wat fan di 3,7 Volt wat di Baterii heer 5 Volt fuar di USB-Buksen maaket. Uk di Stroom wat iinkumt giar aur USB en uur fan 5 Volt tö 3,7 Volt dialspeent.

Fuaral uur Powerbanks iinseet en leer Smartphones en Tablets diarme āp. Des Giraaten haa Buksen fuar USB.

Hurfuul Energii es iin ön en "10.000 mAh"-Powerbank?

Di Skreft ön en 10.000 mAh-Powerbank weeget, dat diar nomināl 37 Wh benen sen.

Diarfuar skel em di Speening weet, en di es fuar't Miist 3,7 Volt.
Achterön skel em fan di mAh hol Ah maaki.

$10.000mAh/1.000=10Ah$

Nü nemt en dit me di Speening maal:

$3,7V*10Ah=37VAh=37Wh$

Dit meent, dat di Wattstünen dit sen hur em wat me bigen ken.

Wan en Powerstatsjoon 256 Wh heer, da jit dit jaa ek, dat des uk 3,7 Volt heer. Diarom ken em me Ah nönt bigen, wan em di Speening ek keent. Bi Wattstünen es dit saacht dit Salev.

Uk wan em weet wel wat di Stroom kostet, sen Ah dum Tjüch. Em bitaalet kWh, niin Ah of mAh.

Wan jen kWh 0,42 € kostet, da kosti üüs 37 Wattstünen of 0,037 kWh:

0,037 kWh * 0,42 € = 0.01554 € = 1,554 Ct

Wan en Smartphone diarme tau Daagen leeren uur ken, da sen dit 182,5 Leeringen ön't Jaar.

182,5 L * 1,554 Ct = 283.605 Ct = 2,836 €/Jaar

Dit es mesken ek fuul, man em ken dit me kWh ütreekni, en diarom giar dit.
Wan em jit en Tablet ön Gang heer, da es dit töhop al trii maal sa fuul.

Wan em weet wel weđer en Powerbank halt wat jü forsprakt, da ken em en USB-Meetgiraat mermung Powerbank en Giraat sa üs Smartphone of Tablet steek.

Stroom fuar di Powerbank salev maaki?

Hat kür jit en Taacht wert wiis, dat em di 18,5 Watt fuar en Dai salev maaki ken. Töhop me en Tablet, wat ombi debelt sa fuul nemt wiar em bi ombi 55,5 Watt fuar en hiili Dai

Diarme ken em al masi maaki, hur em üđers en PC me ombi 200 Watt/Stün önsmeten her. En fuar didiari Energii altert salev tö maaki wiar al en gurter Önlaag nöörig.

Em spaaret me litjet Stroom gurter Forbrükers iin, wan em Āpgaawen me Tablet maaket, wat fuarof me di PC maaket waar.

En litj Ailönsönlaag me ombi 250 Wp maaket uk ön en Wulkendai ombi 3 bit 8 Wattstünen. Wan em en USB-Doos me 1 A Leerstroom heer, da sen dit bi di 5 Volt fan USB 5 Watt. Dit leengt binai altert.
Bi Likstroom es ek olterfuul Forskel, wat iin of üt giar. Bi 90 % Efektiwiteet sen dit ombi 5,6 Watt fan di Puferbaterii fuar di 5 Watt üt di USB-Doos.
Wan en "10.000 mAh"-Powerbank me 37 Watt ek hiilendal lerig es, da waaret dit ombi 7 Stünen en leer di weđer āp.

Wan em hok muar Powerbanks heer, da ken em uk me wakerer USB-Doosen āpleer, wan en Wunterdai wat leechter es. Da ken uk weđer en bet Stroom iin ön di Pufer leeren uur.

Fuar des litj Saaken leengt uk en 300 Watt-Steekdoosen- of Balkonsolār-Önlaag binai aur dit hiili Jaar.

Powerstatsjoonen

En Powerstatsjoon me 256 Wh dēr di Stroom fuar en Powerbank me 74 Wh.

Aaftinoch uur sok Bateriien uk fuar Hunwerkern önböören, diar da mung 250 Wh en 2 kWh Stroom fuar jaar Werk of fuar di Akku fan jaar Pedelec me langs haa. Des jit da man Powerstatsjoonen.

Des haa ek bluat Buksen fuar USB, ja ken uk Skrekelstroom fan 230 Volt of Likstroom fan 12 Volt dö. Diarfuar sen di Omseters iinbecht. Uk fuar di Stroom fan en Solārmoduul es en Āpleergiraat iinbecht, wat di Stroom fuar di Baterii töpas railt.