Sylt2.png Söl'ring


Di DGzRS maalet di Rööpteeken fan boowen üp Buaten en Skeepen, dat di uk fan SAR[1]-Hubskrüüwers tö keen sen.

Dit Rööpteeken (engl. call sign) uur me di Registriaring ön't Skepsregister fuar dit Skep tödiilt. Des es da metjens uk dit Forskel-Signāl fuar di Seefunk. Hat es fan Bokstaawen en Taalen töhopset. Des es beeter (gauer en ginauer) tö forstuun üs Skepsnoomen.

Leengi da di Noomen ek?Bewerke

Aliining ön NF jeft et jaa tömendst tau Skeepen, wat "Nordfriesland" jit.[2]

Me Rööpteeken jit

Diartö kumt, dat dit Rööpteeken me di Bokstaawen eeđer't NATO-Alphabeet sair uur skel[3]
Eeđer't NATO-Alfabeet jit Bispöl 1 da Delta-Juliet-Hotel-Xray, Bispöl 2 es Delta-Juliet-Lima-Kilo.

Di Skeepen ken jaar Rööpteeken uk me Flagen weegi

  • Nordfriesland Pellworm:   Delta -   Juliet -   Hotel -   Xray


  • Nordfriesland Föör:   Delta -   Juliet -   Lima -   Kilo

Des uur fuar't Miist bluat fan Skeepen maaket, hur al en üđer Keening ön stuunt, sa üs Militeerskeepen.

Wan en Skep wech kumt of fan di Funkforkiir nomen uur (Ütflagt uur), da uur dit Rööpteeken fuar't Miist fuar tiin Jaaren ek nomen. Di DGzRS heer man fuar höör nii Skep ön Büsum (2012) dit Rööpteeken fan't ual Skep aurnomen.

Wan en Skep en nii Flagi fo, da uur fan di Staat tö di Flagi en nii Rööpteeken ütdönen.

Dütsk Skeepen haa Rööpteeken me fjuur Bokstaawen, hurfan di jest trii fan "DAA" bit "DRZ" gung.

Üđer Lönen haa üđer Keeningen, sa üs Spānien (AMA-AOZ), Antigua en Barbuda (V2A-V2Z) of Zypern (5BA-5BZ).

Wat jit dit fuar Nuurđfriislön?Bewerke

Dit Föriskep Sylt Express es naa Zypern ütflagt. Dit heer dit Rööpteeken 5BFF3. Hualev sa slem, kür em sii.
Skeepen, wat di salev Noom haa, sen me dit Rööpteeken klaar ütenachtler tö hual.

FutnootenBewerke

  1. Search And Rescue, Sjuk en reti
  2. Hat jeft uk tau Skeepen me di Noom Rungholt. Diar es't jüst dit Salev.
  3. Ön di Bidrach aur't Internatsjonaali Flagenalfabeet (Aamring) sen lefts öner Spreegfunk di Bokstaawen eeđer't NATO Alfabeet tö se.