Schottel-Propeler

Söl'ring

Di Schottel-Propeler es en Skeps-Öndreft. Senerlig es diarbi, dat di Propeler iin ön en draibaari Gondel seet. Wan dat Skep om di Huk faar skel, da skel em bluats di Gondel en Stek tö di Sir draii, wan em omdrai wel, da drait em di Gondel om.

Der es dit Rüđer me benen. Diarom jit dit uk Röđerpropeler.

Sok Giraaten uur iinbecht, hur en Skep gur tö manövriari wiis skel of ön tau Rochtingen faar.
Wan en Skep fuarn en achtern san Giraat heer, da ken dit uk twert köör.

En Skep me tau Propelergondeln. Wan diar san Röör trinjom di Propeler sit, jit dit en jit Kort-Düüsi.

Di Propelers fan di Sylt Express se sa temelk üt üs des jir.

Hur dit iinbecht es

• Sleepers
• Föriskeepen (Sa üs uk di Söl'ring Föri, di heer tau "STP")
• Amphiibien-Wainer

en jit muar.

Aarten

SRP

Di Schottel SRP (Schottel-Röđerpropeler) waar ombi 1950 ütbraacht. Fuar lung Jaaren kür em diar dat Miist me maaki, man di Skeepen waar gurter en di Maskiinen fing muar Kraft.
Des giar fuar masi Skeepen me en gurter Propelern tö forbeeteri, man en gurter Gondel jit jaa, dat en Skep uk diiper giar.

STP

Di salev Kraft üs en gurt Propeler ken em uk me tau litjer Giraaten iin ön't Weeter bringi. Dit wiar di Taacht fuar di STP (Schottel-Twin-Propeler). Jen Propeler sküüvt, jen tocht, di seet ön di salev Aksi.

Gur en ring

Di Schottel-Propelers haa jaar Gurs:

• Aur di Maaten gur tö manövriari
• Iinfach iintöbech (Winkelaurseeting jert diartö en uur bluats bi di Ofdreft fan di Maskiin onslööten.)
• Gur fuar Diesel-Elektrisk Öndreft tö brük (Da sit bluat jit en Elektromotoor boowen üp di Gondel, hurbenen önern bluat en Keegel-Omdreft brükt uur.)
• Iinfach öntöstjüüri.
• Wan em fuarn en achtern en Gondel heer, da heer em "Bug- en Hekstraalröđer" me langs, dit tört em da ek muar koopi.

Hok Saaken sen ek sa jur:

• Wan di Maskiinenkraft olter aaft om di Huken skel, giar diarfan masi forleesen. Wan ön di Gondel en Elektromotoor sit, uur dit beeter)
• En Skep me Schottel-Propelers giar senerlig diip, aurdat di Gondeln diip dial hingi.
• Em heer muar Mait en faar me en "Schottel-Skep" lik üt, üs wan dit konventsjoneli Propelers of en Voith-Schneider-Öndreft heer.
• Hat es aartig wat jüürer üs di ual Propeler-Öndreft

Luki uk jir

• SRP Ruuderpropeler
• SRP Röđerpropelers - Technisk Dāten
• Computeranimatsjoon fan di Schottel-Röđerpropelers
• Biskriiwing fan di Schottel-Twin-Propeler

• Voith-Schneider-Öndreft
• Föriskeepen ön Nuurđfriislön'
• Masi elektrisk Föriskeepen haa Röđerpropelern