Renault
 Söl'ring
|
Renault [ʀəˈno] es en franzk Autofirma. 1999 slööt Renault höm me Nissan en Mitsubishi töhop. Renault-Nissan-Mitsubishi es jen fan di gurtest Autofabriiken üp Wārel. Ön't Jaar 2015 her Renault ombi 120.000 Aarberers ön Gang, en des haa 2,8 Miljoonen Autos becht. Fan di dütsk Automarker fing Renault ön't Jaar 2014 3,5% of. Diarme wiar dit di taust-starkst bütlöning Autofirma ön Dütsklön. [2]
| Renault SA
| |
|---|---|
 | |
| Rochtsforem | Société Anonyme (Aktienselskep) |
| Grünjliar | 1899 |
| Hüüsing | Boulogne-Billancourt, Frankrik
|
| Fööringskontoor |
Clotilde Delbos |
| Aarberers |
120.136 (31. Dez. 2015) |
| Jil / Jaar | 66,3 Mrd. USD (2017).[1] |
| Branche | Autoindustrii |
| Weebsir | http:www.group.renault.com |
Me 66,3 Mrd. US-Dollar, wat ön't Jaar omseet waar, kür 5,8 Mrd. USD wonen uur, en diarme es Renault eeđer Forbes Global 2000 üp Stair 135 fan di gurtest Firmen aurhaur (Stant: 2017).
Histoorie
BewerkeDi trii Brüđern Louis (1877-1944), Fernand (1865–1909) en Marcel Renault (1872–1903) haa ön di 25. Februwaari fan 1899 jaar Firma iipenmaaket.
Hat jit man, dat di Firma al tö Jööl 1898 tö Wārel kemen es, aurdat Louis Renault me en Auto önerwai wiar, wat hi fan Holt töhopklüđert her. 12 Liren wil di Wain üp Slach uk haa. Des waar da dit jest Model, dit Model A.
Di Firma wukseti waker, al 1900 her Renault ombi 100 Aarberers ön Gang. Gurt es di Firma man 1906 uuren, üs fan en Firma ön Paris 250 Taksis bistelt waar.
Eeđer di Duaren fan sin Brüđern maaketi Louis Renault en Aktienselskep fan sin Firma en waar salev üs Techniker iinstelt.
Hi kür da masi Taachten omseet sa üs di Trumelbremsi, di Tjensteeker tö't Iinskrüüwen, di Gurt fuar di Seekerhair en hok muar.
Al 1929 böör Renault en Wain ön, wat me 3,7 Liitern Bensiin ombi 50 km/h laap kür.
Elektromodeli
BewerkeSent 2012 uur uk Elektroautos önböören.
Diaraurhen uur di trēr Twingo töhop me di Smart becht, en di Smart jeft et uk me Elektromotor.
Futnooten
Bewerke- ↑ Forbes Global 2000. In: Forbes. (Online [abgerufen am 20. Nofember 2017]).
- ↑ Neuzulassungen von Personenkraftwagen 2005 bis 2014 nach Herkunftsländern und ausgewählten Marken. (PDF) In: Statistische Mitteilungen des Kraftfahrt-Bundesamtes FZ 18, Jahr 2014. Kraftfahrt-Bundesamt, Jüüne 2015, S. 4, ofröpen di 31. August 2015.