Skringeltoon

Söl'ring

Di "Skringeltoon" es dit Gilünt, wat en Fiirsnaker maaket, wan jen döörröpt.

Skringelton ön en ual Tilefoon fan Siemens & Halske

En Skringeltoon, wat üp Nokia-Mobiiltilefooni üs MIDI wiar, me Klawiir eeđerspölet.

Analogi Skringeltoon fan en engelsk Giraat (Model 500 Telephone British ring)

Jerer wiar binai iin ön ark Tilefoon muar of mener di lik Skringel iinbecht, wat fan di Döörstelstair Stroom fing, dat dit Biskiir dēr, dat jen döörröp. Wan em dit tö gurtem fuan, da kür em di Skringel me en Dempiweel litjemer fo.

Me di Digitāltechnik sa üs Mobiiltilefooni kām dit āp en leer MIDI-Wiisen iin ön di Giraaten, wat em eeđer sin Meening ütsjuk kür. Uk di Gurtemhair leet höör diarme beeter iinstel, aurdat dit Signaal jaa elektroonisk ütdönen waar. Di Impuls kām man jit lung fan di Döörstelstair.

Wan di Kompjuutertechnik sa litj uuren wiar, dat em di fuar't Miist iin ön di Boksfek me langsfo kür, da kām Lün-Daateien ön Formāti sa üs MP3 āp. Des sen da frii tö maaki en tö en Tilefoon-App weeget, en des es uk di Tir, hur dit Tilefoon sin Lün aliining en bluat fan en Impuls maaket.

Foraneringen

Jertirs wiar di "Ruftöne" iin ön dit Tilefoon ön en Chip, en em kür mung hok diarfan ütsjuk.

Me di Forbeeteringen aur Kompjuuter-Chips kür diar muar en muar iin, en töleest kür em uk Musik of Reklāmi iinseet. Aur lung Jaaren kür em di Liren uk Skringeltööni forkoopi.

Üs Leest ken em deling sin ain "Skringeltoon" āpnem en töweegi, uk üp Friisk.

Luki uk hjir

• Friisk ön Reekenmaskiinen