Skuuner

Söl'ring

En Skuuner (Dütsk Schoner, Schooner of Schuner), es en Siilskep me tau Meestboomern, hur di fuarderst Boom kuurter of efen sa lüng es üs di achterst Jen.
Leeter eeđer di jest Skuunern waar uk Skeepen me muar üs tau Meestboomern Skuuner nēmt sa üs di Trii-Boomern Skuuner Amphitrite. Fuaral ön di Foriinigti Staaten waar ön dit leeteri 19. en dit jer 20. Jaarhönert Skuunern me muar Meestboomern becht.

Skuuner Atene: 2 Toppsailen (boowen), diaröner ark en Gafelsail, fuurn fjuur Fuarsailen.

Di Undine, en Fracht-Skuuner me Helpmaskiin, ön Hörnem

Di fuarderi Meest (Fokmeest) uur uk Skuunerboom nēmt. Dit sail ön des Meestboom jit uk Skuunersail, en aaft es dit en Gafelsail. Ön di achterst Meestboom jit et Gurtsail. Fuar di Skuunerboom sen fuar't Miist tau Klüüwersailen en en Foksail āptain.

Noom

1713 löp en nii Siilskep tö Weeter, en jen skel sair haa: „There she scoons“ of „Oh, see how she scoons“ („Diar gleeret jü" of „Luki, hur fain jü gleeret").
Achterön skel di Mensk, diar dit Skep becht her, dit en Scuuner nēmt haa.

Dit Uurt kumt fan dit Skotsk Dö-Uurt üt di Clydesdale-Müraart: „to scoon“ jit sa fuul üs Stiiner aur't Weeter gleer let en sa förter.

Di Takeling fan di Skuunern kumt fan di Neđerlönen, hur dit al ön't 17. Jaarhönert sa becht uuren wiar.