Steuben
 Söl'ring
|
Di Steuben waar 1922 üs München ön Gang braacht. 1931 waar dit Skep eeđer Friedrich Wilhelm von Steuben üs General von Steuben omdööpet.
Dit Skep es fuar di Norddeutschen Lloyd bereedert.[1] faart. Dat et tö dit Jen fan di Taust Wārelkrich forseenket waar, es jen fan di gurtest Skepskatastroofen fan di Menskhair.
 1925, jit üs München bi't Ütbuating
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
.svg){kind=small}
Histoorii Bewerke
Üs "München" tö Weeter leten Bewerke
Dit Skep kām ön't Jaar 1922 üs München bi di AG Vulcan Stettin tö Weeter en waar fan di 5. Juuni 1923 ön fuar di Tiinst iin ön di Nuurđeratlantik iinseet. Dit wiar dit jest Pasajiirskeps-Niibechning eeđer di Jest Wārelkrich als erster Passagierschiffs-Neubau des Norddeutschen Lloyd für den Nordatlantikdienst nach dem Ersten Weltkrieg in Dienst gestellt.
Dit Skep löp fuar di Norddeutscher Lloyd (NDL). Di Münschen wiar al dit trērst Skep me di Noom, wat di NDL her.
Die München fing ön di Januwaari fan 1924 en Sesterskep, di Stuttgart. Biiring waar da me trii Pasajiirklasen iinseet.[2]
Jest Ombechning Bewerke
Ön di Wunter 1925/26 waar di "München" ombecht, dat di Pasajiiri fan di beeter Klasen wat hooger tö sit kām.
Fan 1925 ön waar dit Skep uk fuar "Fuarhaalingsraisen tö See", wat em tö Krütsfaarten sair, iinseet. Sa waar fan Juuli bit August fan't Jaar 1925 en Polaarfaart maaket.[3]
Malheur en jit en Ombechning Bewerke
Ön di 11. Februwaari 1930 skul di "München ön di Haawen fan New York (USA) Fracht ofleer, en diarbi fung dit Skep Jöl. Fan benen bruan dit Skep bal hiilendal üt. Di "München" waar man efen seeklaar maaket en kür ön di 9. Mai me höör ain Maskiin naa Breemen laap. Diar waar dit Skep bi di Deschimag-Werev AG „Weser“ fan di 1. Juuli 1930 bit tö di 18. Januwaari 1931 klaar maaket, fing nii Skostiiner, en di Pasajiir-Iinrochting waar weđer nii taacht.
Iin ön dit Ofdampröör waar en Ofdampturbiini iinbecht, en diarme kür di "München" 16,3 Kneten faar.
Omdööpingen Bewerke
General von Steuben Bewerke
1931 waar dit Skep weđer ön Tiinst nomen, en hat fing di Noom General von Steuben, wat en Teeken fan Frinjskep twesken Dütsklön en di U.S.A. wiis skul. Me di nii Skostiiner saag di "General von Steuben" en bet muar eeđer di Skeepen (Gaui Dampern) Bremen en Europa sa üs di Columbus üt. Üs Liinienskep waar dit Skep man ek muar aaft iinseet, di "General v. Steuben" waar fuaral dit Fuarhaalingsfaartenskep fan di NDL.
Steuben Bewerke
Fan 1935 ön waar di "wit" General von Steuben bluat jit fuar Krütsfaarten me 484 Pasajiiren iinseet, wat fuar al fan di USA üp Wai ging. Jü wiar dit iinsig Luksus-Fuarhaalingsfaartenskep, wat ek fuar KdF.[4]-Faarten önerwai wiar.[5]
Meren di 30er Jaaren waar dit Skep wit önstreeken. 1938 meenti di Reederii, dat dit aur di Politik ek muar rocht pasi wil, dat dit Skep eeđer en amerikānisk Generaal jeet (Di üđer Skeepen her Statnoomen sa üs Bremen of Stuttgart): Ön di November fan 1938 fing dit Skep jit jens en nii Noom, Steuben.
Forseenking Bewerke
Di 9. Februwaari 1945 löp di Steuben fan Pillau of en skul naa Kiil. Ombi 2.800 önskööten Soldaaten, 300 Persoonen Medisiinpersonaal, 150 Man Skepsmanskep, en hat jit, dat jit 900 flücht Mensken me langs wiar.[6]. Hur fuul Mensken üp Flucht wiar, es önseeker blewen. Dit Skep wiar sönen Leecht önerwai, en dit Torpeedobuat T 196 wiar me langs döör di Uastsee naa Weesten.
Di 10. Februwaari 1945 nachjtem töögen fif fuar jen waar di Steuben süđern di Stolpe-Bank fuar Stolpmünde fan tau Torpeedos raaket, wat dit Sowjet-U-Buat S-13 skööten her en soonk ön bluat en kwart Stün. Di Koptain fan dit U-Buat, Alexander Marinesko her fjuur Stünen eeđer dit Skep harket en meenti, dat hi en Krichskrütser, di Emden forseenket her.
Me di Steuben ging di Mensken diarön fuar't Miist öner. Bluat 660 Mensken kür üt jaar Nuar fan dit Torpeedobuat, wat me langs wiar en jit en Torpeedofangbuat, di TF 10 āpnomen uur. Tweseken 1.100 en 4.200 Mensken sen omkemen.
Luki uk jir Bewerke
Commons: Steuben – Saamling fan Skelter en VideosEinzelnachweise Bewerke
- ↑ Postkarten des Schiffes
- ↑ Bild der München
- ↑ über 130 Bilder aus dem Bundesarchiv
- ↑ "Kraft durch Freude", en Organisatsjoon fan di "Deutsche Arbeitsfront" bi di Nāzis
- ↑ Bilder der weißen Steuben
- ↑ nach Untersuchungen von Heinz Schön
Koordinaaten: 54° 21′ 18″ N, 15° 41′ 56,4″ O