Ströntistel en Dünemruusen

Söl'ring


Ströntistel en Dünemruusen es en Bok, hurbenen Hans Hoeg ombi 850 Dechtings fan Jens Emil Mungard töhopstelt heer.

Fuulen fan di Dechtings kām fan di gurt Saamling, wat Hermann Schmidt her. Eeđer Hans Hoegs Fuaruurt heer Schmidt di Dechtings en üđer Aarberen fan 1926 bi 1939 en fan 1953 bit 1970 iin ön't Bleer braacht, en üđer Stairen jit et uk, dat hi dit uk ön di Taust Wārelkrich öner Pseudonym dēr.

Di Noom fan dit Bok es töhopstelt üt dit bikeent Dechting "Min Bloom" en "Dünemruusen".
"Min Bloom" weeget, dat Jens Emil Mungard twert wiis kür, wan hi meenti, dat wat ek rocht wiar en "Dünemruusen" es en Dechting, wat weeget hur lef Mungard sin Ailön en di Natuur her. Luki diartö uk bi Jens Emil Mungard.

Dit Bok heer ek bluat en Forteeknis, wat diarbenen staant, diar es uk en Uurterlist me Uurtern, dānen al 1995 ek muar aaft brükt waar, benen. Sa ken em aur Stünen en Daagen iin ön des Bok lees en jit Uurter diarfan liir of dānen, diar em keent, beeter nüti. - Gur es dit fuar't Miist uk en haa dit Uurterbok fan Boy Peter Möller of tömendst "Söl'ring-Dütsk" me üp Staal.

Bi't lees liirt em uk masi aur Jens Emil Mungard, sin Aart sa üs sin Swaarhairen en Frügern.

Di Dechtings Bewerke

Jir sen di Dechtings, hurfan Hans Hoeg noch di Noom fan dit Bok töhopstelt heer.

Min Bloom
Ströntistel es min Bloom,
Ströntistel neem's uk mi.
Jü gröört üp Dünemsön,
Ik üp des Leewents-Strön,
En Proter haa wat biiđ!


Dünemruusen
Üs ik leest ging döör Dünem,
haa ik, hur ik ek om taacht,
haa ik, wat ik oler saacht,
ön di Dünem Ruusen fünen.

Hur di Storem frii hen jaaget
stön di Ruusen, litj en peen,
wil't me Klöör en Hārem bleen,
wat jit nemen es jir slaaget.

Üs ik eet di Krölen luket
her'k en Wensk, sa litj en gurt,
her hol Kraansen diarüt bünen.

En dach haa'k jam ek ploket,
kām mi fuar üs wiar dit Muurt,
hiir töhop dach Ruus en dünem.

Daaten Bewerke

Dit Bok es sa gur üs ütforkoopet.
Wan Dü forsjuk wet en fo dit, heest Dü jir die Daaten diarfuar:

  • Jens E. Mungard: Ströntistel en Dünemruusen - Das lyrische Werk, tohöpstelt fan Hans Hoeg
  • 1995, Quedens, Nuurđtērp,Aamrem
  • ISBN 3-924422-37-0 (Staant iin ön't Bok)
  • ISBN 3924422478 (Staant bi Amazon)