Text:Åål bait spanfiilj
 Täkst aw mooringer frasch
|
Åål bait spanfiilj
Dåt spanfiilj snurt,
di trädj di låpt,
dåt spanfiilj snurt.
Da üülje toochte luupe ma
ålk as e trädj dåtseelew ra;
ja luupe ålt diseelwe wäi
trinam as't spanfiilj, däi for däi.
Foon bjarnelååken, uursewin,
foon fraien bai e mouneschin,
foon koost än foon dåt jarst latj bjarn,
foon årbe, söri, arken mjarn
än foon di jarste suurte gung -
sü gungt dåt suresuresung
ålk as dåt fiilj diseelwi wäi
bit tu di leeste warkeldäi. --