Hoodütjwool eeben maage
Bökingharde.png Täkst aw mooringer frasch


Üüs driimerai

We driime än wansche sü foole tuhuup
än hoowe ålt' bäädere deege.
Duch gungt e natör harn eewie luup
än leet har foon niimen besteege.
Ma äämene uugene san we heer blin
än siie Goods wärke uler rucht in.

Huum as wälj tufreese önj palast än bölj,
än huum koon sin luk heer rucht smååge?
Di eerme wanschet ham seeke ful gölj
önjt stääs for en äämenen tååge.
Di rike sikent diip üt e burst
än gunt di eerme knååp hunger än turst.

Da mååste san dääsi, ouers gödj as e wråål,
duch luklik wörd heer nuch niimen.
Üüs tånken än hooneln heet lait schål,
wid san we heer nuch ai kiimen!
Duch jeew de tufreese, bewåår de dan mödj,
as't heer mån hiinj, wårt et janer nooch gödj.


Bende Bendsen