Hoodütjwool eeben maage
Bökingharde.png Täkst aw mooringer frasch


As ik nuch kining wus

Wat wus ik luklik
Iir önj e bjarnetid;
Köm me sü grut for,
Löked sü wid!
Twasche mädjslüütj än dik,
Deer wus min kiningrik;
Deer pluk´d ik krüle,
Krüle tu´n kröön.

Mååged en kniichel,
Twited üt räid än hoolt;
Skjard me en wiichel,
Wus wälj sü stult!
Läi un´r e hilebuum;
Häi deer sü´n swätjen druum;
Driimd foon en iinjsist
Grut kiningrik.

Luurlatje swulkne
Fluuchen dan haan än heer;
Spårie än spriine
Mååg´den honöör.
Dan süng e loosch ma fliitj,
As sää´s: ik wiitj, ik wiitj,
Dåt dü aliine
Kining heer bast!


Albrecht Johannsen
(fri eefter W. Dykstra)