Text:Man hilebuum
 Täkst aw mooringer frasch
|
Man hilebuum
Ik tånk sü oofting nuch am de,
dü stööst bai üüsen stich;
ik spaald sü hål, sü hål bai de,
Pluk'd bloosme foon din twich.
Dåt spaalerai
as lung forbai!
Ou'rs blaawen as di swätje druum
foon de, foon de, man hilebuum.
Ik sätj bai de hål aw e bånk,
min foomen bai e hönj,
såch önj har uugene sü blånk,
driimd foon en sooli lönj.
Fergingen tid,
dü läist sü wid!
Ou'rs blaawen as di swätje druum
foon de, foon de, man hilebuum.
Ik wälj, we biise wjarn nuch jung,
än ik wus latj än kral!
Dan wus tu de man jarste gung,
bai de min liiflikst spal.
Dan läid ik me
önjt gjars bai de!
Häi iinjtooch nuch en swätjen druum
bai de, bai de, man hilebuum!