Hoodütjwool eeben maage
Bökingharde.png Täkst aw mooringer frasch


Släip, doote!

Släip, latj doote, släip nü smuk,
oudre bjarne släipe uk.
Wees nü duch ai mör sü wil,
leed de nü mån sani dil.

Hiir, di föögel önj e buum
piipet sani önj e druum!
Jüst, as wan hi seede wal:
Latje röister, lad duch stal.

Lök, di moune rüüdj än trin
kiiket uk tut waning in.
Joo, di moune tånkt uk ål:
Sleept dåt råker nuch ai bål?

Släip, latj doote, släip nü smuk,
åål da oudre släipe uk.
Mjarne kamt deer wi en däi,
brängt min dooten höög än häi.


Albrecht Johannsen