Tracking
 Söl'ring
|
Tracking es en Theema fan Daatensküül ön't Nat. Reekenmaskiinen sa üs uk Smartphones of üđer Giraaten fo en IP-Adres, wat nörig es, dat em wat fo en önluki ken.
Des Adres es sa üs en Numernskelt ön't Auto. Em fraaget wat ön, en da fair em dit üp sin Skirem stjüürt. Des Adres ken em da föligi.
Firmen sa üs Google of Facebook dö di Giraaten diaraur hen jit en Reklāmi-ID, hurme em Reklāmi eeđer dit stjüürt fair, wat em eeđer di Neening fan di gurt Reekenmaskiinen fan des Firmen hol liir mai. Diarfuar uur bi Facebook uk di Biskiiren leesen en forwertet wat em sin Frinjer aur PN stjüürt.
Hat es al fuarkemen, dat jen wat aur BMW skrewen heer, en da kām achterön Reklāmi fan BMW üp Facebook.
Tracking es dit Föligin eeđer di Spöör wat jen iin ön't Nat let.
Referrer-Encoding
Bewerke
Masi Liren wel hol weet, hur jen fan kumt, diar jaar Sir önluket. Diarme ken ja meet, hok Reklāmi dit Miist bringt.
Sawat jeft et fuar E-Mails, uk me di Adres fan di diarbenen, hoken önskrewen uuren es.
fuar't Miist sen dit man Reklāmiforkoopers sa üs Idealo of Facebook.
Apps töögen Tracking
BewerkeTöögen Tracking jeft et al masi Browsers sa üs "DuckDuck Go" of firskelig Ütgaawen fan "Firefox" (Firefox Klar esf.).
Aaftinoch sen di Funkstjoonen ek jüst sa komfortābel üs wan di Trackers jaar Cookies tö Help stjüüri, man em heer sin Ruu.
Wan em niin Reklāmi-ID üp sin Smartphone haa wel, da let em dit söner Google-Konto laap. Di Apps wat et bluat aur Google-Playstore jeft, ken em uk me Aurora Store dialleer, diarme giar dit söner Google-Konto.
fan Facebook ön sin Giraat fair em man dach en Reklāmi-ID. Em ken man dit Tracking en bet swaarer maaki, wan em me en Wrapper sa üs SlimSocial of en Browser sa üs boowen biskrewen diareeđer luket.
Wrappers sen uk en gur Aart en maaki di Trackers jaar Leewent en bet swaarer.
Drist: Dit Numernskelt fan Facebook
Bewerke
Wan em bi Facebook en Link föligt, da fair em en Trackingnumer me langs, dat ja weet, hur em hengingen es en hok muar.
Eeđer wat ja diar jüst luki, weet nemen sa rocht.