Uasterrik-Ungarn

Tekst üüb Fering

Det Uasterriks-Ungarisk Monarchii, ungarisk Osztrák-Magyar Monarchia, kurt Uasterrik-Ungarn, informell uk k. u. k. dopelmonarchii neemd, wiar en reaalunioon uun det letst faase faan det rik faan dön Habsburgern uun Madel- an Süüduasteuroopa för’t tidj twesken 1867 an 1918. Hat bestään efter’t ambau faan’t Keiserdoom Uasterrik tu a stootenferbant üüb a grünj faan de uasterriks-ungarisk ütjlik faan 8. Jüüni 1867 ap tu 31. Oktuuber 1918.

Koord faan Uasterrik-Ungarn (1899)

Iindialing

Uasterrik-Ungarn bestäänt ütj tau dialen Cisleithaanien, of Uasterrik, an Transleithaanien, of Ungarn.

Cisleithaanien

Uasterrik hee hög krüünlunen:

• Uasterriks Arewlunen:
  • Ertshertoochdoom Uasterrik unter der Enns
  • Ertshertoochdoom Uasterrik ob der Enns
  • Hertoochdoom Kärnten
  • Hertoochdoom Krain
  • Hertoochdoom Salzburg
  • Hertoochdoom Steiermark
  • Fürstet Groofskap Tirol
  • Lun Vorarlberg
  • Fürstet Groofskap Görz an Gradisca
  • Riksmadelboor Steed Triest an san gebiit
  • Markgroofskap Istrien
• Lunen faan det Böömsk Krüün:
  • Köningrik Böömen
  • Markgroofskap Määren
  • Hertoochdoom Schleesien (Uasterriks-Schleesien)
• Köningrik Galitsien an Lodomeerien mä at Grathertoochdoom Krakau an a Hertoochdoomen Auschwitz an Zator
• Hertoochdoom Bukowina
• Köningrik Dalmaatsien

Transleithaanien

A lunen faan det Ungarisk krüün wiar:

• At Köningrik Ungarn
• At Köningrik Slawoonien an't Köningrik Kroaatsien, wat faan 1849 tup üüs at Köningrik Kroaatsien an Slawoonien wiar.
• At Steed Fiume mä't gebiit
• At (Grat)fürstendoom Siebenbürgen (Transilwaanien)
• Banat
• At Woiwodskap Serbien an Temeser Banat (1849-1860)