Weetertecht Beton

Wan em en ual Hüs heer, diar ken em ön di wunerkst Huken me Fochtighair tö dön'n haa.
Aaftinoch kumt dat Weeter fan önern üt di Grün. Me delings Technik ken em weetertecht Böört maaki, wan di Ual Böört üt es:

Kapilaarbreekend Sjicht

En Kapilaarbreekend Sjicht es en Laag fan grof Split (Sa üs 16/32) tögen Diiren, wat öner di Böört ombikrabi en en Foolie önknaberi ken. Ombi 5 cm leengt fuar'r miist, dit ken uk me en bet Zement töhophualen uur.
Üp des Split kumt en starki PE-Foolii.

Wit Wani

En Wit Wani es Beton, hur san Polver of Wiitighair me iin kumt, dat di Kapillaaren (Litj Kaneele iin ön't Materiaal) wat litjer uur.
Dit sen sa litj Tuten, wat dit fan forskelig Firmen jeft. Diarfan kum miisttirs sa 500 g üp en Sak Zement.
Wan san Beton mendstens 20 cm tjuk es, skel diar niin Weeter iin kum.
Di Beton skel gur ütdrügi, mendstens soowen Daagen. Em sjocht, wan't rocht drüch es, en em skel di Nöös brük, weđer't jit fochtig hāremt.

Nü weetst Dü al, hur diip dü ütgraav sket. - Sket man Din Naiber fraagi, weđer hi ek di Kaar sküüf wel. Di ken da uk metjens help en smit diar weđer wat iin ön dit diar Hol. Es masi Wecht!

Suurt Wani

En Suurt Wani ken fuar di Sekerhiar üp di Wit Wani kum.
Dit uur fan Bituumen-Baanen maaket, wat töhopbrent uur, of hat jeft nü uk wat söner Jöl en Gasbreners: Dit diari sen Kunststoff-Baanen, wan en Strip haa, diwat üp di jerst Baan klüwet uur.

Horizontaalsperi

Wan dit alis klaar en drüch es, of mesken uk fuaroff, sket eeđer di Horizontaalsperi luket haa. Di diari skel di Wuchen fan ünnern hol haa, dat diar niin Fochtighair hoogtocht.

Techtingsbaanen

Wat gans gur giar, es langsen san Meter iipen maaki en san Techtingsbaan iinsmit.
Langsen sa aarberi, dat Dü me di naist Baan mendstens 10 cm aur di Leest kumst.
Kenst jit forklüwi; dit Weeter keent masi Waien.

Āpsküümit Glees

Nü jeft dit jit wat Üđers diarfuar, en dit es āpsküümit Glees.
Diarfan uur "Stiiner" maakit, wat em mesken wat beeter diar iin fo.

Wan dit alis klaar en drüch es, kenst weđer techt maaki.
Di Estrich of dat holten Böört mut ek me di Wuchen töhopkum.
Diaraur skel (Wan niin Suurt Wani diar es), en PE-Folii öner di Demung en bisir Randstripen langs di Wuchen. - Fuul Formaak!

Diarfuar ek

Dit jir es niin Reer, hurfuar ik hafti wel. Ik wel man bluat forklaari, hurdeling dit gung ken en ön min Hüs uk al waker gingen es. - Wan dit jen beeter weet, skel hi't beeter jir hen skriif.

Forwiisen

Bi Lugato sket üppasi: Diar es jen Kilo iin ön san Tut, fuar 50 Kilo Zement.
Dü faist man bluat 25 Kilo iin ön di Mischmaskiin, aurdat jit Sön diartö kumt.
Diaraur skel diar uk bluat en hualev Kilo me iin (Fuarof me en Kökenwecht āpdiili).
Bi Ceresit staant ek diarbi, hur gurt di Tuten sen.
Mesken giar dit uk gans gur me di diar Wiitighair, wat em da me en Metglees dosiari ken.
"Bei Überdosierung ist mit Festigkeitseinbußen zu rechnen."

Wat aur dit Skuumglees