Söl'ring


En Wial es en Küül, hur bi en Storemflöör jens en Dik breeken es. San Wial es fuar't Miist trinj üs en Kreis en temelk diip. Üđershur uur uk "Brack" diartö sair.

Wial ön Friedrichsgabekoog (Dithmarschen).
En Hualevmuun-wial ön Krummhörn, hur en nii Dik trinjom becht uuren es.
Al sent 1936/37 es fuar Tjüls Wial ön Ārichsem weđer en Dik becht. Em luket fan Nuurđweesten wech.
Tjüls Wial fan Süđweesten wech.

Hur dit kumt Bewerke

Wan en Dik önsteken giar, spöölet dit Seeweeter diarachter en gurt Hol iin ön di Grünj. Di Mensken her jerer ek sa fuul Materiaal, dit hol weđer techttömaakin, en da waar di Dik aaft trinjom di Wial becht. Sa en Stek uur da aaft uk "Hualevmuun" nēmt.

Tö Bigening es iin ön en Wial Saaltweeter, man dit uur fan't Grünjweeter leeterhen muar en muar Swetweeter, diar sair em da Brakweeter tö.
Uk üp Engelsk keent em dit Uurt brackish water.

Fuarkumen Bewerke

Wialen jeft et ek bluat bi di Nuurđseekant, ja kum uk bi Stroomern fuar. Langs di Elef jeft et olerhun Bracks, bit fiir āp achter Hamborig en fiiđer āp ön di Stroom.

Jir kenst eeđerlees Bewerke

  • Peter Wieland: Küstenfibel. Heide, 1990, Boyens & Co
  • Werner Prange: Geologisch-historische Untersuchungen an Deichbrüchen des 15. Bis 17. Jahrhunderts in Nordfriesland. Uun: Nordfriesisches Jahrbuch, 1972, Bredstedt/Bräist, Nordfriisk Instituut

Luke uk jir Bewerke

  Commons: Weelen – Saamling fan Skelter en Videos