Foehr.svg Tekst üüb Fering


Williams Sassine (* 1944, Kankan, Guinea; † 9. Febrewoore 1997, Conakry, Guinea) wiar en guineeisk skriiwer, diar üüb Fraansöösk skreew.

Sin mam wiar guineeisk, man san aatj kaam faan Liibanon. Hi ging tu sekundeerskuul uun Conakry an do ging tu Frankrik, am uun Pariis matematiik tu studiarin. Hi kaam 1961 tu Guinea turag, man moost hi auer Ahmed Sékou Touré sin diktatüür at lun ferleet. Hi wiar föl juaren uun eksiil uun öler aafrikoons lunen. Hi kaam 1984 tu Guinea efter a putsch faan detheer juar turag.

Hi skreew auer marginalisiaret karakteren, man efter Touré san duas wurd hi optimistisker. San romoon Le jeune homme de sable (de jong sandig maan; 1979) wurd üüs een faan dön best aafrikoons romoonen faan det 20. juarhunert tääld. Högen faan sin romoonen wurd uun't Ingels, Spaans an Rüs auersaat.

Hi skreew uk för dön bleeden La Guinée-Djama, L'éducateur, an fööraal för det satiirisk bleed Le Lynx.