Winkelsliper

Söl'ring

En Winkelsliper es en Maskiin, hur em me slip en skiar ken. Hat jeft Giraaten fuar jen en tau Hunen. Dānen fuar jen Hun jeft et fuar 115 en 125 mm - Skiiwen, dānen fuar 125 mm haa fuar't Miist en gurteri Motoor.

Flex

Tö di Winkelsliper uur aaft "Flex" sair. Dit kumt diarfan, dat di Firma Flex ön Baden-Württembārig di jest Winkelsliper ütbraacht heer.

Forskelen

Winkelslipern jeft et fan bilig aur gönstig bit ek önsteken tö fo. Ja uur aural eeđerbecht, en fuaral fan Fordreften sa üs Westfalia, Einhell kumt masi Kraam fan Chiina aur.
En beeteri Giraat, heer en Marki sa üs Metabo, Flex of Bosch. Di green Maskiinen fan Bosch kum man uk aaft fan Bütlön en sen muar üs gönstig tö se, hur em me hantiari ken, wan en dit ek üs Bruarwening of aafter maaket (DIY).
Sent ombi 1990 jeft et bal bluat jit Giraaten me Spinelaretiaring, fuarof skul em töögenhual.

Skiiwen en Böseler

Fuar di 115er Maskiinen jeft et fuaral Skiar- en Skrupskiiwen fan bünen Stiin. Des Maskiinen haa 500 Watt - Motooren en sen ek gur diarfuar tö nem en maaki diar Diamantskiiwen ön.
Fuar sawat nem em beeter en gurteri Maskiin, diar da uk di rocht Kraft fuar en Bösel heer, hur em fuaral uk Rest en Fārev me wechmaaki ken.

Skiar- en Skrupskiiwen fan bünen Stiin jeft et fuar Staal en uk fuar Stiin of Beton.

Skeltern

• 
  Forskeligi Giraaten. Lefts en Westfalia (115 mm/500 Watt) hur en 125er Diamatskiiv önseet, ön di Meren en Einhell (115 mm/500 Watt), di suurt Knop ken di Spinel fasthual. Rochts en Metabo (125 mm/720 Watt), diar ek önsteken tö fo es. Diarbi liit dit Tjüch, hur di Skiiwen me önmaaket uur (Niin Aretiaring).
• 
  Forskeligi Saaken fuar di Winkelsliper: Skiarskiiwen, Skrupskiiwen en tau Aarten Böseler me drait Bösten fan Edelstaal sa üs en Hunsküül fuar 115 mm-Skiiwen