Tekst ap Haliifreesk


Angoola [aŋˈgo:la], amtlik ju Republiik foon Angoola (uwe Portugiisisk: República de Angola; uwe Nöörd Mbundu, Söö Mbundu än Kongo Ngola) is en staot öön e sööwäst foon Aafrika. Öön e söö lait Namiibia, öön e nöörd än öön e uust ju Demokraotisk Republiik Kongo, öön e uust Sambia, än öön e wäst di Atlantisk Ootseaon. Angoola heet ok en eksklaawe, Cabinda, wat twaske e Republiik Kongo än ju Demokraatisk Republiik Kongo lait. Et löön heet 31.127.700 jude (2020)[1]. E häädstää foon't löön is Luanda.

Flaage foon Angoola

Geografii Bewerke

Ju Republiik Angoola lait twaske 4° 22’ än 18° 02’ (foon e nöörd to e söö) än 11° 41’ än 24° 05’ (foon e wäst to e uust). Et löön is dat säämtgrotst löön öön Aafrika än tree'eauer groter as Tutsklöön.

Et löön dialt gränse mä fjauer lööne. Dat longst gräns (2646 km, tohuup mä Cabinda) foon Angoola wurt mä dat Demokraotisk Republiik Kongo än dat köörtst (231 km) mä dat Republiik Kongo diald. Et löön dialt ok en 1427 km long gräns mä Namiibia än en 1065 km long mä Sambia.

E aawer foon Angoola is 1650 km long. Hi liangt foon dat Massabi Laguun to a stää to e söö foon et stää Cabinda (öön dat Cabinda Prowins), än foon e mu foon de Kongo Struum to e mu foon de Cunene Struum.

Stäänge Bewerke

Dä tiin grotste stäänge öön't löön sän:

# Stää Jude (2014)[2]
1 Luanda 6.759.313
2 Lubango 600.751
3 Huambo 595.304
4 Benguela 555.124
5 Cabinda 550.000
6 Malanje 455.000
7 Saurimo 393.000
8 Lobito 357.950
9 Kuito 355.423
10 Uíge 322.531

Kule Bewerke

  1. Angola, citypopulation.de
  2. Angola: Provinces & Cities, citypopulation.de