Christian Feddersen

Tekst üüb Öömrang

Christian Feddersen (* 16. Jüüle 1786 uun Waaster Snaatebel; † 12. Janewoore 1874 uun Friedrichstääd) wiar en prääster. Hi wiar en grünjleier faan't nuurdfresk weesen.

Leewent

Christian Feddersen wurd bäären üs dring faan di welsteld büür an skuulmääster Harke Feddersen uun Waaster Snaatebel. Di mooler Hans Peter Feddersen (di ääler) (* 1788) wiar san ääler bruder. Hi wiar befreid an hed tau doochtern: Auguste Margarethe an Marie Dorothea (* 1825).

Tuup mä san jonger bruder Friedrich hää hi teologii studiaret an wiar prääster uun Foortuft, Naibel an Nuurdhaksteed bi Schafflund.

Uun sin buk Fünf Worte an die Nordfriesen hää hi ham 1845 diarför ütjspreegen, dat a Nuurdfresken hör aanj kultuur an spriak pleege skul. Uk at nuurdfresk woopen an di woolspröök Leewer duad üs Slaaw gung üüb Feddersen turag.

Christian-Feddersen-Pris

Sant 2001 jaft at en Christian-Feddersen-Pris, di faan't Ute-Karl-Friedrich-und-Carsten-Hagemann-Stiftung an at Nordfriisk Instituut ütjlööwet woort. Hi as soocht för skuuljongen, diar jo auer a miaten mä't nuurdfresk spriak, kultuur an histoore befaadet haa.

Luke uk diar

• Nordfriesland Lexikon faan't NFI
• Fünf Worte an die Nordfriesen (Digitalisat bi books.google.de)