Christoph Kolumbus

Amrum.pngTekst üüb Öömrang


Christoph Kolumbus (itajeensk Cristoforo Colombo, spoonsk Cristóbal Colón, portugiisk Cristóvão Colombo; * amanbi 1451 uun't Republiik Genua; † 20. Mei 1506 uun Valladolid, Könangrik Kastiilien) wiar en itajeensken siamaan an koptein uun siinsten faan't Könangrik Kastiilien. Hi hää 1492 a siawai tu Ameerikoo fünjen.

Christoph Kolumbus, moolet bil faan Sebastiano del Piombo, 1519
Columbus Signature.svg

Eegentelk wul hi en waastelken siawai tu Indien finj, auer Indien en wichtag hanelslun wiar. An hi wul gauer wees üs a Portugiisen, diar leewen trinjam Afrikoo siil moost.

Kolumbus siild faan 1492 bit 1504 sjauersis auer a Atlantik, an hää diar fööraal a Grat Antilen besoocht. Iarst üüb sin leetst rais foor hi widjer am a waast an kaam uun Honduuras üüb't Amerikoonsk fäästlun uun.

Si leewent loong as Kolumbus diar goorei waar am wurden, dat hi en neien kontinent fünjen hed. Iarst leeder foonj Amerigo Vespucci det ütj, an efter ham as Ameerikoo do näämd wurden.

Daalang witj wi, dat al a Wikingern oner Leif Erikson 500 juar iarer uun Ameerikoo lungat san, man jo haa diar ei siidelt. An diaram täält Kolumbus üs di maan, di Ameerikoo fünjen hää.

KoordenBewerke

Kolumbus sin sjauer raisen tu Ameerikoo an sin aanj siakoord:
   

Luke uk diarBewerke

  Commonskategorii: Christoph Kolumbus – Saamlang faan bilen of filmer