Deensk-Hanseaatisk Krich

Tekst üüb Fering

De Deensk-Hanseaatisk Krich (uk Kalmar-Hanse Krich, Krich am Sleeswich of Suntolkrich) faan 1426 tu 1435 wiar en militeer- an wiartskapspoliitisk konflikt twesken det Kalmar Unioon, wat faan Denemark oner Köning Erik VII. dominiaret wurd, an't Hanse. At hoodgrünj för a krich wiar't iinfeeren faan a suntol faan Denemark. A krich wiar uk mä de Deensk-Holstianisk Krich am Sleeswich (1409/22–1435), a konflikt twesken at Hanse an Holun (1422–1441) an det Sweedsk Rewolt faan 1434/36 ferbünjen.

A Siasliik faan Kopenhuuwen

1427 ferschükt saldooten faan Holstian an't Hanse, Flensborig tu nemen, man det hee ei loket. Graaf Heinrich IV. faan Holstian fool an a riadsher faan Hamborig, Johann Kletze, wurd för at deellaag feroontwurdelk maaget an henracht. 1431 loket a Holstianern an Hanseaaten, oner't feering faan Heinrich san efterfuliger Adolf VIII., at steed tu nemen.

Diar wiar uk siasliiker uun a Öresund (11.-25. Jüüle 1427), bi Kopenhuuwen (6. April-15. Jüüne 1428) an bi Dänholm (4-8 Mei 1429).

A krich kaam uun Jüüle 1435 mä a Frees faan Vordingborg tu aanj.