E.GO Mobile
 Söl'ring
|
Di e.GO Mobile AG es en Elektroautofabriik ön Aachen. Di Firma waar ön't Jaar 2015 grünjlair, en 2017 kür ön di Mai dit jest Model, di e.GO Life weeget uur. Sent des Tir ken em dit Auto uk fuarof bistel, en tö dit Jen fan 2018 skel di jest Wainer üp Straat kum.[2]
| e.GO Mobile AG
| |
|---|---|
 | |
| Rochtsforem | Aktienselskep (Dütsklön) |
| Grünjliar | 19. Marts 2015 |
| Hüüsing | Aachen,  Dütsklön'
|
| Fööringskontoor |
Günther Schuh (Ingenieur) (Kontoorsföörer) |
| Aarberers |
36 (Aur 2016 reeknet)[1] |
| Branche | Autofabrik (Elektro) |
| Weebsir | www.e-go-mobile.com |
| Stand: 31. Detsember 2016 | |
Histoorie Bewerke
Dit Start-Up-Firma es üt en Werktjüchmaskiinenlaboor bi di RWTH Aachen[3] wukset en uur üt di RWTH ütgrünjet. Fööret uur di Firma fan di RWTH-Profesor Günther Schuh.[4]
Schuh heer ön't Jaar 2010 uk di Firma Streetscooter me ön Gang braacht. wat sent 2014 en Daachterselskep fan di Dütsk Post es.
Dit jest Produkt fan di e.Go mobile AG wiar en Spaasmaskiin fuar Wukseni, dit e.Go Kart[5] Di 17. Marts 2017 waar dit jest Seerienauto, di e.Go Life bi di CeBiT weeget.[6]
Showroom en Pop Up Stores Bewerke
En Pop Up Store es en Laaden, wat lerig es en hur em sin Produkt fuar di Tir, diar di Laaden lerig staan wöör, diar tö Forkoopin iinstelt. Sok heer di e.G mobile AG ön Bonn en Neuss. Iin ön di Firma ön aachen jeft et jit en Showroom, hur em forskeligi Ütstafiaringen fan di e.Go Life önluki en köör ken.
Modeli Bewerke
- e.go Life
- Di e.Go Life es dit Auto fuar di Stat, hurfuar di Prisen bi 15.900 € bigen skel.
- e.go Mover
- Di e.Go Mover es en autonoomi Elektro-Statbus fuar 15 Pasajiiri, wat fan 2019 ön becht uur skel. Bit 2021 wel em me en me en Joint Vetutre fan di Daachterfirma (e.Go Moove GmbH) en Daachter fan ZF Friedrichshafen en me Nvidia des autonoomi Bus üp Wai fo.[7]
- e.Go Kart
- Dit Formaaksmobiil fuar Wuksni heer en Pedelec-Öndreft, ken 25 km/h laap en kummt 25 km fiir.
Produktsjoon Bewerke
Di Fabriik waar ön di Juunimuun 2018 iipenmaaket. Fan di Hārefst ön skel üp 16.000 m² Areaal ombi 10.000 Autos ön't Jaar becht uur. Hat skel ombi 17 Stünen waari, bit jen Auto au 28 Statsjoonen iin ön't Werk löpen en töhopbecht es.
Luki uk jir Bewerke
Commons: e.GO Mobile – Saamling fan Skelter en Videos- Weebsir fan di e.GO Mobile AG
- Christian Pricelius: eGo Life startet durch. (mp4-Video, 5:12 Minuten, 24 MB) Uun: Deutsche Welle. 9. Janewoore 2018.
Futnooten Bewerke
- ↑ Jahresabschluss zum Geschäftsjahr 2016 der e.GO Mobile AG, 31. März 2017. In: Bundesanzeiger, 23. Januar 2018, abgerufen im Unternehmensregister am 18. Februar 2018.
- ↑ Christian Frahm: Elektroauto e-Go: Günther gegen Goliath - Mobilität. Uun: Spiegel Online. 22. Jüüle 2018, ufrepen de 22. Jüüle 2018.
- ↑ RWTH = Rheinisch-Westfälische Technische Hochschule
- ↑ Aachener Start up: E-Mobilität soll auch preiswert gehen. Deutschlandfunk Nova, Sendung Hielscher oder Haase, 2. August 2017, abgerufen am 10. September 2017.
- ↑ Ben Schwan: Kettcar für Erwachsene. In: Technology Review, 17. Mai 2017, abgerufen am 1. April 2018.
- ↑ Ulf J. Froitzheim: Der neue Volks-Wagen. In: Technology Review, Heft 2/2017, 12. April 2017, abgerufen am 1. April 2018.
- ↑ Gregor Soller: e.GO Mover soll 2019 in Serie gehen. In: Vision Mobility, 12. Oktober 2017, abgerufen am 18. Februar 2018.