Ellen (Skep)

Söl'ring

Di Ellen es en Elektroföri wat ön Deenemark lapt.

Ellen

p1 Skepsdaaten Flag Denemark Denemark Skepstyp Elektroföri Werew Søby Værft A/S, Søby Becht öner Numer 107 Bisteling 2015 Ön Faart braacht 15. August 2019

Maaten en Manskep Leengdi 59,50 m (hiilendal) Breetji 12,80 m Diipgung max. 2,5 m

Maskiin Maskiin 2 × Elektromaskiin Danfoss Editron, 750 kW MaskiinenkraftVorlage:Infobox Schiff/Wartung/Leistungsformat 1500 kW = 2.039 PS Gauest Faart 14 kn (25.9 km/h) Skrüüw(en) 2

Kapatsiteet Akkukapatsiteet 4.300 kWh Pasajiiri 147 - 196 Autos 31 Pkw

Üđers wat Registernumer IMO: 9805374

Muar Wai/Liinie Fynshav/Fyn – Søby/Ærø Bateriisysteem fan Leclanche, Swaits Reederii Det Ærøske Færgetrafikselskab (DÆF)

Di Föriskeps-Reederii Ærøfærgerne heer di Ellen sent di Bārichtmuun fan 2019 ön Gang.Tö des Tir skel jü di gurtest Föri wesen wiis wat me Bateriien löp.

Sent des Tir lapt dit Skep mung Fynshav ön di Uasterkant fan dit deensk Ailön Als en Søby ön dit Ailön Aerø.

Om Jil en CO2

Di MF Ellen en wat diartö jert kām üp 21,4 Miljoonen Euro. Dit wiar ombi 40 % muar üs wan em en lik Dieselskep becht her.

Likwel spaaret di E-Föri ombi 75 % fan di Kosten, wat en Dieselskep her.
Aur ombi aacht Jaaren skel dit iinspaaret wiis wat dit jüürer wiar.

Aur en Jaar skel dit Skep ombi 2,5 Tenen CO2 mener maaki üs fan en Dieselskep kemen wiar. Dit meent uk, dat ön't Jaar ombi 950.000 Liitern Diesel ek forbronen uur.

Sa üs dit tö't Jen fan 2022 ütsaag, wiar ek olterfuul Liirjil nöörig, man em heer fuul diarfan liir kür.

Technik

Di Ellen heer 4,3-MWh-Akkumulatooren, wat fan di Swaits kemen sen. Des Bateriien uur āpleeren, wan dit Skep ön Søby fastmaaket heer. Wan di Ellen jens hen en töbeek faart (22 Seemiilen of 40,75 km), sen diarfuar 1.600 kWh nöörig. Em heer fuar en maaki di hiili Stroom fan eeđerkumen Energii sa üs Winjkraft en Solārstroom tö wen.

Di Öndreft heer tau Elektromaskiinen, ark me 750 kW Kraft. Mung Maskiinen en Propelern sen Omkiiraurseetingen iinbecht.

Fuarn sen tau Twertstroompropelern, ark me 250 kW-Elektromaskiin iinbecht.

Di Ellen ken 196 Mensken en 31 Autos me langs fo.

Di Bateriien haa en Wecht fan 56 Tenen.

2022 waar en Rekordfaart maaket, diar heer dit Skep 133 km me jen Bateriileering löpen.

Di Āpleerstatsjoon ön Søby heer en Kraft fan 4 MW.

Persoonenkilomeetern

Wan em forskelig Skeepen önluket, da kumt dit me di Persoonenkilomeetern ek altert hen. Jen Skep heer Plaats fuar 60 Weelen en 140 Mensken en heer niin Staalern en Iit sa üs uk niin Hüsji ön Buurt. Di Baterien fuar 1 MW sen ek olter swaar.
Sok Skeepen ken da me tau Lop 45 kW laap aur ja uk ek olter swaar en gurt sen. - Meent sen litj Föribuati sa üs di Wellingdorf, wat ön di Stün gur 8 km ön di Kieler Föör laap, skiaren ombi 4 Kneten, ja laap me knap 8 kn.

Skeepen sa üs di Ellen haa Plaats fuar 196 Mensken en 31 Autos of 8 LKW. Di Bateriien fuar 4,3 MW sen mal swaar. Fuar Mensken jeft et en Salon, en Hüsji en wat tö iit. Jen Wai fan di Ellen heer en Leengdi fan ombi 20,5 km of 11 sm, di Maskiinen haa tau Lop 750 kW, en dit Skep lapt me ombi 14 kn.

Fuar di 41 km hen en töbeek sen 1.600 kWh nöörig.

Dit meent ombi 40 kWh fuar en Kilomeeter of 204,08 Wattstünen fuar en Persoonenkilomeeter, wan 196 Mensken me langs faar. Wan altert ombi 65 Mensken me langs kum, da sen dit ombi 612 Wh fuar en Persoonenkilomeeter.

Fuar di salev Aarber her en Dieselskep ombi 500 Liitern Brenstof nöörig.

Skelter

• 
  Föriskep Ellen
• 
  Di Ellen
• 
  4.3 MWh Bateriisysteem
• 
  Elektromaskiin
• 
  Kontrolrüm

Luki uk jir

 Commons: Ellen – Saamlang faan bilen of filmer

• www.aeroe-ferry.dk

• "Evaluation Video", hur di Daaten töhopstelt sen.