Hoodütjwool eeben maage
Foehr.svg Tekst üüb Fering


Det Estuaire Prowins uun Gabuun

Det Estuaire Prowins (üüb Fraansöösk: La province de l'Estuaire [ɛs.tɥɛʁ]) as en prowins uun de aafrikoons stoot Gabuun. At prowins leit uun a nuurdwaast faan’t lun. Uun a nuurd leit Ekwatoriaal-Guinea, uun a nuurduast det Woleu-Ntem Prowins, uun a süüduast det Moyen-Ogooué Prowins, uun a süüdwaast det Ogooué-Maritime Prowins an uun a waast det Atlantik Ootseaan. Det hee 895.689 lidj (2013)[1]. At hoodsteed as Libreville.

Auersicht

GeografiiBewerke

De Komo Struum leept troch't prowins iin uun det Atlantisk Ootseaan.

Indialing faan FerwaltingBewerke

Det Estuaire Prowins hee fjauer departmenten.

Department Grate (km²)[2] Lidj (2013)[2] Hoodsteed Koord
Komo 9928,1 17.575 Ntoum  
Komo-Mondah 1842 90.096 Kango
Komo-Océan 3645,6 553 Ndzomoe
Noya 3958,4 4225 Cocobeach

KliimaBewerke

At prowins hee'n ekwatoriaal kliima mä tau drügtidjen (grat an letj) an tau rintidjen (uk grat an letj):

  • Det grat drügtidj (üüb Fraansöösk: la grande saison sèche) düüret faan Jüüne tu September. Det hee delmiatig 31 mm rin a muun an en delmiatig temperatüür faan 24,9 ° C.
  • Det grat rintidj (üüb Fraansöösk: la grande saison des pluies) düüret faan Oktuuber tu Deetsember. Det hee delmiatig 418 mm rin a muun an en delmiatig temperatüür faan 25,9 ° C.
  • Det letj drügtidj (üüb Fraansöösk: la petite saison sèche) düüret faan Janewoore tu Febrewoore. Det hee delmiatig 271,6 mm a muun an en delmiatig temperatüür faan 26,7 ° C.
  • Det letj rintidj (üüb Fraansöösk: la petite saison des pluies) düüret faan Marts tu Mei. Det hee delmiatig 348,2 mm rin a muun an en delmiatig temperatüür faan 26,8 ° C[3].

PolitiikBewerke

A guwernöör faan't prowins as Léonard Diderot Moutsinga Kebila.

KwelenBewerke

  1. www.citypopulation.de
  2. 2,0 2,1 www.citypopulation.de
  3. Direction Générale de l’economie et de la Politique Fiscale (2012), la Situation Socioéconomique de l’Estuaire.