Europeesk Kolektiif Elsas

At Europeesk Kolektiif Elsas (fransöösk Collectivité européenne d’Alsace (CeA)) as en ferwaltangsianhaid uun Frankrik. Hat as uun't juar 2021 apwoksen ütj jo departmenten Bas-Rhin und Haut-Rhin.

Europeesk Kolektiif Elsas Collectivité européenne d'Alsace (fr)
Flag faan't Elsas	Woopen faan't Elsas
Grünjdooten
Amtspriak	Fransöösk
Regiunaalspriaken	Alemanisk, Huuchsjiisk, Welsch, Jidisk
Hoodsteed	Straßburg
Grate	8280 km²
Iinwenern	1898533 (1. Janewoore 2018)^[1]
Iinw. per km²	228 Iinw./km²
Départements	Haut-Rhin (68) an Bas-Rhin (67)
Arrondissements	9
Gemeenferbanten	42
Kantoonen	40
Gemeenen	880
Prefekt	Josiane Chevalier
Wääbsteeed	www.alsace.eu
President faan a Départementriad	Frédéric Bierry
Koord
Karte

Di 1. Janewoore 2016 san jo ual ferwaltangregiuunen Elsass (Alsace), Champagne-Ardenne an Lothringen (Lorraine) tuupslööden wurden tu det nei regiuun Grand Est. Man uun't Elsas skul det regiunaal eegenoort bewaaret wurd, an so haa jo tau departmenten faan a Boower Rhein an Liager Rhein en wai soocht, am widjerhen tuup tu werkin. Diar as det Europeesk Kolektiif bi ütjkimen.

Geografii

At Elsas lingt son 190 km faan nuurd tu süüd an 50 km faan waast tu uast. Hat leit waasten faan a struum Rhein, di diar at grens tesken Frankrik an Sjiisklun ütjmaaget. Jinauer üüb a uaster ääg faan a Rhein leit at bundeslun Baden-Württemberg.

Spriaken

Auer uun't Elsas flook spriaken snaaket wurd, mut diar uk flook spriaken onerracht wurd. Uun Frankrik san a skuulprogramen normoolerwiis ianhaidelk för aal a skuulen. Man uun't Elsas jaft at nü en skuulfääk Regiunaal Kultüür an Spriak.